掃呢頁CODE去手機

2018年4月3日 星期二

自備女友靚湯滋補 龐景峰拍MV咀女被詐型 __,龐景峰,

龐景峰就解釋指Peggy都只係講吓笑,唔會真係呷醋。藝人郭秀雲兒子龐景峰(Andrew)除了拍電影,最近亦有出歌做歌手,今日他到電台接受訪問宣傳個人第 ...


龐景峰就解釋指Peggy都只係講吓笑,唔會真係呷醋。


藝人郭秀雲兒子龐景峰(Andrew)除了拍電影,最近亦有出歌做歌手,今日他到電台接受訪問宣傳個人第三首歌《UP IN THE AIR》。拿住暖壺現身的他表示自己感冒未清,但就有女友的靚湯滋潤:「啲節瓜我幫佢買,我出門口之前佢拎畀我叫我要飲。」

其後龐景峰介紹今次歌曲由韓國班底打造,Andrew更親自出演MV,與女主角上演親密情節更錫足七次,有傳正印女友Peggy因而詐型,問他之後會否找女友做MV女主角?他說:「之前錄咗6首歌,希望喺八月之前可以拍晒MV嘅。我會秉持專業嘅工作態度,之後我諗都唔會搵佢做女主角,因為手頭仲有兩首歌要拍,其中一首係慢歌,我想呈現一個人生故事,已經諗好咗點拍,另一首就係八十年代電子舞曲感覺,打算碌盡人情卡搵我識得嘅人來客串,可能路過幾秒鐘咁,嗰首歌我就唔介意搵女朋友來參與。(即係最多都係搵女朋友做路人角色?)其實佢係好怕娛樂圈㗎,佢將來係想做老師嘅,而且佢對住鏡頭個表現係好生硬,之前試過有朋友叫佢幫手拍嘢,因為佢靚女呀嘛,然後就發現佢對住鏡頭係真係唔得,影相可能ok,但係拍片就會好硬。(但係聽講佢睇完你個MV嬲豬喎!)佢講笑啫,佢都明白只係工作需要。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!