掃呢頁CODE去手機

2018年4月10日 星期二

內地女團選拔!本地薑許靖韻VS台妹陳芳語 __,陳芳語,許靖韻,

本地薑許靖韻(左)VS台妹陳芳語,你揀邊個?內地近年掀起選秀熱潮,好似啱啱播完嘅《偶像練習生》,吸引成百名小鮮肉參加節目,話題同人氣十足!至於女版選秀 ...


本地薑許靖韻(左)VS台妹陳芳語,你揀邊個?


內地近年掀起選秀熱潮,好似啱啱播完嘅《偶像練習生》,吸引成百名小鮮肉參加節目,話題同人氣十足!至於女版選秀節目《創造101》亦即將開播,由韓團EXO前成員黃子韜擔任製作人,節目於101名女練習生中選出11人組成女團出道,估唔到有兩位少女已經率先跑出!

第一位係24歲嘅本地薑許靖韻(Angela),賽前師姐容祖兒及師兄李克勤等紛紛拍片助陣,令佢先聲奪人。今日播出嘅預告片段中,Angela自彈自唱幾句大展歌喉,又分享為陳偉霆等人唱Demo嘅經歷,唔少網民都大讚佢實力唔錯,加上一對吸睛長腿加晒分,猛咁話要Pick佢(即支持佢)!仲有好多人討論Angela啲普通話,皆因佢講得麻麻,片尾仲放棄講番廣東話添,但唔少網民認為佢啲「港普」好有喜感,鼓勵佢唔使怕醜繼續講。

而另一位矚目嘅練習生就係23歲嘅台灣代表陳芳語(Kimberley)。Kimberley嘅背景相當「屈機」,14歲被選中為韓國JYP公司旗下練習生,但被父母反對轉到台灣發展,2012年仲憑《愛你》一曲走紅中港台。預告片段中Kimberley除咗展現靚聲外,仲大騷精湛舞技,唱得跳得咁全能,難怪受大批網民追捧,仲話預訂佢以C位出道添!如果Kimberley繼續Keep住強勁人氣,睇嚟有望成為11人女團再出道!

網民有話兒:

靜怡X魚:兩位姐姐出道位預訂了!

X振關:唱歌好聽,舞蹈挺好,果然JYP出的人

XXX二三小清新:港普小姐姐實力很好,可以PICK!

甜瓜瓜瓜XXX:小姐姐C位出道吧!

YumiXXXhan:竟然是《愛你》的原唱,天啊這麼年輕的?


來源 source: http://hk.on.cc
鍾意就快D Share啦!