網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年4月11日 星期三

【爆相爆片】偕郭嘉文遊華欣 李澤楷:We are fine! __,李澤楷,郭嘉文,

超級鑽石筍盤「小小超」李澤楷以往身邊女伴車輪轉,呢兩年卻獨寵15年港姐季軍郭嘉文,前年兩人蜜遊日本爆戀情後,李澤楷唔單止冇避忌,仲越嚟越大方公開,日前 ...


超級鑽石筍盤「小小超」李澤楷以往身邊女伴車輪轉,呢兩年卻獨寵15年港姐季軍郭嘉文,前年兩人蜜遊日本爆戀情後,李澤楷唔單止冇避忌,仲越嚟越大方公開,日前愚人節李澤楷出遊泰國華欣,陪喺身邊嘅女伴繼續係郭嘉文,被讀者陳先生透過「爆相爆片」分享,證明呢位楷女郎暫時冇人可以取替。

陳先生喺電話表示4月1日復活節假期,當晚大約8點幾,喺泰國華欣Oceanside Beach Club & Restaurant見到李澤楷同郭嘉文:「當時我哋啱啱去到餐廳坐低食飯,李澤楷嗰枱有五個人。我哋望咗兩眼,個港姐同女性友人就好緊張即刻匆忙離開。」從讀者提供相片所見,本來一頭長髮嘅郭嘉文轉look,剪咗及肩新髮型,着淺藍色露膊衫襯高叉迷你裙,清爽迷人,佢坐喺李澤楷對面嘅梳化位,手托香腮乖乖做聆聽者。

郭嘉文同女友人走咗之後,戴住招牌圓框眼鏡嘅李澤楷,與身邊外籍友人繼續食飯傾偈,大約20分鐘後才離開,有兩枱人喺李澤楷離去時尾隨,唔知係咪李澤楷嘅貼身保鑣。呢間位於酒店嘅餐廳喺當地好出名,唔單只對住沙灘,餐廳裏面仲有泳池,當晚李澤楷點咗好多美食,大家邊飲白酒邊食邊傾,氣氛好愉快。

對於被讀者喺華欣「爆相」,記者聯絡李澤楷問到玩得開唔開心?同郭小姐感情好穩定,會唔會公開戀情?李澤楷以短訊回覆:「We are fine, thank you.」首度親口承認同郭嘉文好好;至於前度梁洛施就攜子返咗香港住,咁啱都係愚人節呢晚,被《蘋果》記者影到母子喺灣仔約友人食自助餐(新聞連結: https://bit.ly/2GHHYzV ),同樣食得好開心。

精選娛聞,喺晒《娛果》

http://fb.com/appledailyent

(讀者提供圖片)
由讀者陳先生提供嘅圖片所見,李澤楷同郭嘉文食飯時坐對面,朋友反而喺兩旁。(讀者提供圖片)
郭嘉文見到有人望自己,即刻變得好緊張。(讀者提供圖片)
郭嘉文其後更擰歪面視線,之後同女友人走先。(讀者提供圖片)
郭嘉文曾經喺社交平台貼過自己着同一款衫嘅相(郭嘉文Instagram圖片)

鍾意就快D Share啦!