掃呢頁CODE去手機

2018年4月21日 星期六

【好食過霆鋒嗰啲】盧覓雪開檔賣曲奇 杜汶澤爆粗讚:好x好味 __,霆鋒,杜汶澤,盧覓雪,謝霆鋒,

盧覓雪(Michelle)同朋友搞咗檔自家製曲奇餅生意,今日喺尖沙嘴舉行記招,請嚟好友林海峰、杜汶澤、江若琳(Elanne)同黃婉曼出席。榮升老闆娘嘅 ...


盧覓雪(Michelle)同朋友搞咗檔自家製曲奇餅生意,今日喺尖沙嘴舉行記招,請嚟好友林海峰、杜汶澤、江若琳(Elanne)同黃婉曼出席。榮升老闆娘嘅Michelle為咗今次生意不停試食,o依家市面上好多明星都賣曲奇,問佢怕唔怕競爭大?Michelle話:「唔驚,大家派別唔同,唔通出法拉利就唔出本田咩?百貨應百客,產品見得人,自然有客。」

阿澤大讚Michelle做生意好叻,仲爆粗讚啲曲奇好味!佢話:「真係,一山還有一山高,霆鋒嘅係好好味,佢係好x好味。」阿澤又話同老婆各有各忙,所以都冇諗住做生意:「其實o依家網上節目咪係網上生意囉,要做嘅就做自己熟悉嘅生意,網上節目嘅流程係用3年時間去做,第一係做好內容先,市場部就外判,第二年先發展廣告,第一年純粹係使錢,o依家好似保良局呢類大型慈善機構咁㗎,拍咗片唔使錢方上網,一個月使幾廿萬。」問到會唔會諗上市?佢話:「唔好搞呢啲嘞,咁複雜。」

Elanne嘅麵店即將開業,佢自爆日日試食搞到肥咗13磅,點做運動都減唔返,記者笑佢太幸福,佢話:「點都瘦唔返好慘㗎!我已經決定結婚前兩個月地獄式減肥。」而Michelle仲一口氣應承特別訂造啲體面禮物餅送嫁。

精選娛聞,喺晒《娛果》

http://fb.com/appledailyent

攝影:仇志德 黃婉曼同江若琳

阿澤同林海峰

盧覓雪搵咗唔少朋友試食

Michelle話為江若琳特別訂造禮物餅送嫁。

阿澤讚Michelle做生意叻

鍾意就快D Share啦!