掃呢頁CODE去手機

2018年5月14日 星期一

【我的奮鬥史】最窮18歲借錢度日 梁家輝仔獲老闆揼3億搞電影 __,家輝,梁家輝,張家輝,

沈良傑12歲拍廣告15歲拍《迷離夜》做梁家輝嗰仔之後又同洪金寶、趙文卓大卡士合。到跟經理人合約有問題,成年無工開,要藝人接濟,但因為咁,俾當時只有18 ...




沈良傑12歲拍廣告

15歲拍《迷離夜》做梁家輝嗰仔

之後又同洪金寶、趙文卓大卡士合。

到跟經理人合約有問題,成年無工開,要藝人接濟,但因為咁,俾當時只有18歲嘅佢,遇到北京做基金嘅老細。

他說:「身邊藝人朋友都有借嘅。有啲朋友特登請我食飯。對我好都記得我都好感恩嘅。」

窮途並非末路,一年冇收入,佢喺北京周圍搵機會,主動識朋友,遇到做一級巿場投資嘅金融老闆。

他說:「我記得第一次見佢時,好緊張好驚。嗰個朋友就話,我今日介紹大人物,好緊要嘅人你認識,會對你事業有幫助。我記得嗰時有個PROJECT係想搵投資嘅,就帶咗好多嘢去,一開始去嘅時候,佢就話淨係俾十分鐘你講。」

結果一傾四個鐘,老闆好BUY佢嘅商業模式,開公司俾佢揸弗。

老闆投資三億,但有大筆錢揸手唔係想像中咁過癮。

「咪以為坐擁三億,我鍾意投資咩都得,即係你係我朋友,得啦。真係坐嗰個位,要做一個決定嘅時候,唔係咁容易。」他說。

短短四年,佢投資咗十幾個項目,埋單都係賺錢嘅。

「其實我覺得人哋點樣睇你,點樣質疑,潑冷水。最緊要係我哋自己相信自己。」他有所領悟。

攝錄:葉志明

立即按此連結Download:http://bit.ly/next28app

鍾意就快D Share啦!