網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年5月10日 星期四

【真名叫黃悅】《刑偵2》陶大宇個妹近照曝光 變身瑜伽導師 __,陶大宇,

大家晚上有睇大台重播嘅《刑事偵緝檔案2》,應該搵到好多熟悉而又陌生嘅面孔,好似91年新秀李家強,佢就係喺其中一個單元飾演紅星張國強助手,兩人發生斷背情 ...


大家晚上有睇大台重播嘅《刑事偵緝檔案2》,應該搵到好多熟悉而又陌生嘅面孔,好似91年新秀李家強,佢就係喺其中一個單元飾演紅星張國強助手,兩人發生斷背情,仲同飾演高敏嘅陳美琪爭仔,之後當然又發生命案啦。

其實該劇仲有一個表面上唔太重要嘅角色,戲份唔太多,橫跨幾個單元,有佢喺度就一定有笑料,但你又未必知道佢叫乜嘢名——佢就係張大勇同父異母細妹張小柔喇!劇中小柔好鍾意唱歌,仲特登輟學、瞞住父親(劉丹)返香港參加歌唱比賽。雖然最後failed,但就近水樓台做咗陳美琪助手,仲係張國強被殺案嘅重要證人。

飾演小柔此角嘅女仔,真名黃悅,大家覺得佢眼熟,除咗因為佢唔鹹唔淡嘅廣東話令人聯想到李綺紅之外,仲有就係佢曾經主持過《閃電傳真機》半年,同埋96年與霑叔黃霑主持過無綫《聯中傳奇》,一齊唱主題曲——「對一對,我哋對一對……」係喇,嗰個對對對對對對對對對對嘅可愛小妹妹,就係黃悅。

九十年代嘅香港影視圈,出現過幾個「竹昇妹」女藝人,有黃悅啦、李綺虹啦、仲有鍾麗緹等等。以星運嚟講,黃悅真係欠了點運,拍完《刑偵2》同第三輯之後,亦有拍過一部電影叫《夜半兩點鐘》,之後銷聲匿跡。

咁黃悅呢廿幾年去咗邊呢?加拿大出生長大嘅佢,原來去咗美國,依家教瑜伽,雖然早生華髮,但輪廓變化不大,有適量皺紋,笑起嚟同當年嘅張小柔仍然一模一樣。

黃悅喺自我介紹中,講番06年一次意外受傷,佢未有講明邊度整親,但自言覺得好痛好辛苦,仲覺得自己好無用,好彩當時遇到個好醫生,但都要一年時間先至慢慢康復。

黃悅表示,康復期間,佢開嘗試慢慢郁動身體,亦因為咁而開始接觸瑜伽,一拎到證書就開始喺洛杉磯開瑜伽教室授徒,希望可以幫到有需要嘅人。

喺imdb都搵到黃悅嘅profile,身高5呎4,資料唔多,除咗有近照外,仲有三條片,都係黃悅以英語演出嘅片段。黃悅自我介紹稱溫哥華出世,4歲開始做戲,細個好百厭,成日周圍走,搞到父母要入森林搵佢。黃悅笑言入演藝圈,就係想俾父母知道佢去咗邊喎。

問到大宇同拍《刑偵2》嘅黃悦仲有冇聯絡?佢話:「當年拍完劇,已經冇聯絡喇!」

右圖:imdb圖片 「對一對,我哋對一對……」(影片截圖)

(影片截圖)

當年黃悅同霑叔一齊主持嘅《聯中傳奇》,你有冇印象? (影片截圖)

黃悅亦曾涉足影圈,拍過錢永強導演執導嘅《夜半兩點鐘》。 (《城市週刊》圖片)

《刑偵3》嘅「蒸生瓜」張小柔。佢同張大勇嘅第一句對白就係:「唔該張大勇喺度嘛?」然後故弄玄虛自我介紹:「我係一隻貓,我最鍾意四處流浪…」(影片截圖)

(影片截圖)

imdb都有黃悅嘅biography,仲有三條片,應該都係佢較近期嘅演出。 (影片截圖)

(影片截圖)

依家嘅黃悅,變化其實不大,仍然是當年傻氣模樣,只係髮色白咗,同多咗啲皺紋。 (imdb圖片)

06年受過傷嘅黃悅,經一年時間慢慢康復,之後學瑜伽,漸有進展,所以一考到牌後即開班授徒,幫有需要嘅人。(imdb圖片)

(imdb圖片)

鍾意就快D Share啦!