掃呢頁CODE去手機

2018年5月19日 星期六

【獨家】「旺蟹」神隱23年 吳啟華54歲胞兄吳啟明 中環開食肆 __,吳啟華,

如果你係八十後,recall番啲童年回憶返嚟先……細個睇無綫劇,會唔會覺得奸仔吳啟華個樣變化好大?有冇懷疑過係兩個唔同嘅人?冇錯,真係兩個人。《流氓大 ...


如果你係八十後,recall番啲童年回憶返嚟先……細個睇無綫劇,會唔會覺得奸仔吳啟華個樣變化好大?有冇懷疑過係兩個唔同嘅人?

冇錯,真係兩個人。《流氓大亨》嗰個PK係吳啟華,《大時代》俾人掟落街嗰個丁旺蟹係吳啟明。

吳啟明係吳啟華親生大佬。兩兄弟從來不曾於無綫合作,因為吳啟明係喺吳啟華離開大台之後,先至考TVB藝訓班。兩兄弟明明戴上金絲眼鏡活脫脫就係一個斯文人,但無綫總係安排佢哋兩兄弟演敗類。

吳啟明87年加入無綫,都拍過唔少劇,包括《鐳射青春》、《鬥氣一族》、《奇幻人間世》、《邊城浪子》、《絕代雙驕》、《義不容情》、《大時代》同《恨鎖金瓶》(單立文飾演西門慶!) 95年吳啟明拍完電影《狼吻夜驚魂》後,就離開娛樂圈,吳啟華亦回歸大台,例如拍《壹號皇庭V》、《900重案追兇》、《妙手仁心》等等,都算係另類「無縫交接」。

星途不算順利嘅吳啟明,呢廿幾年嚟都陸續有啲花邊新聞傳出,有次甚至上埋港聞——有傳吳啟明轉行做投資顧問,甚至傳佢曾炒燶股票欠債過千萬,之後由人生低谷之後又上番去高峰。三年前大台重播《大時代》,四隻蟹仔陶大宇、邵仲衡、郭政鴻聚舊三缺一,獨欠吳啟明,當時大宇都話同啟明20年冇見。

消失咗23年嘅吳啟明,日前現身中環被《蘋果》獨家捕獲,現年54歲嘅吳啟明樣子滄桑咗、身型比後生時發脹咗少少,官仔骨骨嘅形象冇晒,變得成熟穩重。

當晚大約7點幾,吳啟明單拖現身中環九如坊,一個人喺公園食雪茄,之後入番餐廳同朋友食飯,紅酒白酒連環飲,食完飯後約一粒鐘後,吳啟明又出門外食雪茄。(詳見另文)

其後記者上前採訪,初時吳啟明唔太願意做訪問,其後亦大方傾幾句。問及近況,吳啟明話:「我咪搞間細細間餐廳玩下啫嘛。」有冇諗住再拍番戲?問到之前《大時代》蟹仔飯局冇出嚟,吳啟明坦言:「基本上離開咗呢行,我唔想再高調出番嚟。」冇諗住再拍番戲?佢搖頭:「做啲小生意得啦。」

問到開咗幾多間餐廳?吳啟明表示:「一間喺河南,一間喺湖南,第三間喺北京,係旗艦店好大間,跟住仲會喺上海。」香港暫時就得中環呢間總店,吳啟明坦言:「因為我係借香港嘅牌子去大陸,俾人知道我哋香港嘅製作係非常之嚴謹,並唔會用嗰啲地溝油呀、唔知乜嘢嚟,所以我係借中環總店開上大陸,係香港中環有先,跟住將呢個名帶上大陸。」

諗住開幾多間分店?吳啟明話:「呢個係希望,未必做到,我諗住開十間,喺大陸開完之後,可能喺九龍開一間,我對食好有要求,我嘅理念係將好食嘅嘢畀所有人食到,咁香港嘅人食到,我都想九龍嘅人食到,我想share好食嘅嘢畀大家。」

精選娛聞,喺晒《娛果》

http://fb.com/appledailyent

神隱23年嘅「旺蟹」吳啟明,喺重播《大時代》冇現身,但日前就喺中環出沒。(攝影:梁繼光、羅德光) 吳啟明煙癮甚大,不時到門外食雪茄。

54歲嘅吳啟明變咗中佬,冇晒後生時官仔骨骨look。



啟明要將香港餐廳品牌帶上大陸,揚言一定唔用地溝油。

啟明唔單止樣子同細佬啟華相似,其實連把聲都好鬼似。

啟明在中環開餐廳,大陸都有分店,希望開夠十間。

吳啟明參與過神劇《大時代》,到95年拍完電影《狼吻夜驚魂》後就離開娛樂圈。(劇照)

(劇照)

股民最唔想見到嘅呢幕,「跌啦,真係跌呀」,吳啟明都有份。(劇照)

(劇照)

(劇照)

3年前《大時代》重播,丁蟹同幾個蟹仔,就係冇旺蟹。(資料圖片)

鍾意就快D Share啦!