掃呢頁CODE去手機

2018年5月21日 星期一

【出賣父母系列】攬老婆伸脷慶結婚31周年 梁家輝遭孖女爆陳年照 __,家輝,梁家輝,張家輝,

「520」(我愛你)真係多喜事,原來呢日係梁家輝太太江嘉年嘅生日,仲係佢哋兩公婆嘅結婚紀念日,今年就係佢哋結婚31周年,佢哋就同一對孖女、大孖梁穎晨( ...


「520」(我愛你)真係多喜事,原來呢日係梁家輝太太江嘉年嘅生日,仲係佢哋兩公婆嘅結婚紀念日,今年就係佢哋結婚31周年,佢哋就同一對孖女、大孖梁穎晨(Chloe)同細孖梁靜禧(Nikkie)就搞驚喜慶祝。

Nikkie同Chloe就喺IG貼咗幾張慶祝相,原來佢哋兩姊妹親手整咗個蛋糕畀佢哋,家輝仲攬實老婆仔切蛋糕,又扮鬼馬伸脷想錫對方,除咗整蛋糕,佢哋仲送咗太陽花畀媽咪,同擺咗唔少媽咪後生相、父母過往恩愛生活相,當中仲有那些年結婚相,相當珍貴。

梁家輝兩公婆結婚31年,依然恩愛,佢哋有唔少感動故事,梁家輝80年初因拍李翰祥電影《垂簾聽政》被台灣封殺,之後冇戲拍,淪為當街擺檔做小販,當時喺香港電台做製作人嘅江嘉年聽到佢嘅遭遇,曾打電話問佢願唔願意嚟錄製廣播劇。家輝對江嘉年一見鍾情,不過當時江嘉年已有男朋友,之後等到女方分手才展開追求。因為家輝收入唔多,佢哋拍拖活動都喺屋企捉下棋,有一年,家輝趁江嘉年生日就請佢飲咖啡,埋單時就發現帳單好平,佢仲推介畀同事去飲,事後就發現江嘉年暗中幫佢畀咗一半錢,吩咐店員每次嚟消費都要收一半價錢,到梁家輝娶佢時,全副身家都係得8,000蚊,對方冇嫌佢搵錢唔多,終於等到家輝捱出頭嘅一日。

精選娛聞,喺晒《娛果》

http://fb.com/appledailyent

梁家輝今日同老婆慶祝生日,兼31周年結婚紀,雙喜臨門。(IG截圖) 伸脷錫老婆。(IG截圖)

一齊切蛋糕。(IG截圖)

肉麻攬實。(IG截圖)



孖女親手整蛋糕。(IG截圖)

多年恩愛相。(IG截圖)



一家四口。(IG截圖)





江嘉年後生相極罕。(IG截圖)

仲有太陽花做禮物。(IG截圖)

31年年前擺酒相。(IG截圖)

那些年嘅梁家輝。(IG截圖)

鍾意就快D Share啦!