呢對點睇都唔似母女，似兩姊妹多啲喎！仲要係孖生嘅添！呢日十六歲嘅沈月，雖然全程戴實囗罩，但一樣仙氣迫人架！
係人都知沈家大小姐沈月，生得勁標緻，無論個樣同身材都遺傳晒媽咪，倒模一樣。唔只個樣似喎！連衣著品味都十足十。呢日沈氏一家睇完歌神學友演唱會，由台北返香港。豆斗同沈月一出閘已經雞啄唔斷，兩母女梳埋一式一樣嘅髮型，加埋一身全黑打扮，連高度都一樣，似足孖生姊妹。
貴為時裝王國太子女，沈月打扮梗係唔會失禮啦。黑色Kenzo 衞衣襯貼身褲，不過最搶鏡都係呢對有錢都買唔到嘅Balenciaga triple s 波鞋，炒價過萬蚊架。睇落豆斗同沈月似乎仲特別啱key ,細妹沈日同沈晨全程黐住Daddy, 唯獨沈月繞實媽咪行。之後兩母女仲行入小食店，買乳酪同果汁。買完野，繼續傾唔停。
大家唔好剩係focus 沈月睇下十三歲嘅沈日，係就係冇家姐咁標緻，不過勝在夠cute,呢日仲著件短身Tee，曬下腰先！話時話，沈月就話十六歲青春無敵唔出奇吖。但就快五十嘅豆斗，連生三件，無論皮膚、身材一啲都冇走樣，仲拍得住個女，咁先係奇蹟吖嘛！
立即按此連結Download:https://goo.gl/NVySCK
來源 source: http://nextplus.nextmedia.com
|
鍾意就快D Share啦！
|
|
|
