掃呢頁CODE去手機

2018年5月7日 星期一

【快樂母親節】對媽媽零印象 孫慧雪93歲嫲嫲恨見外曾孫 __,孫慧雪,

孫慧雪在單親家庭長大,自幼由嫲嫲照顧,每年母親節都會跟嫲嫲慶祝。去年阿雪為老公Edwin誕下囝囝Riley,93嘅嫲嫲多咗個外曾孫,令屋企更加熱鬧。阿 ...


孫慧雪在單親家庭長大,自幼由嫲嫲照顧,每年母親節都會跟嫲嫲慶祝。去年阿雪為老公Edwin誕下囝囝Riley,93嘅嫲嫲多咗個外曾孫,令屋企更加熱鬧。

阿雪話:「好多年冇見過媽媽,好細個己經失去聯絡,在我有記憶以來都係由嫲嫲照顧。(有冇唔開心?)小學時,同學放學都係父母嚟接,我就嫲嫲嚟接,有心願一次係爸爸媽媽拖住我嘅畫面。但慢慢習慣咗,因為覺得嫲嫲好錫我,佢畀我嘅愛都好足夠。」

阿雪直言以前賺錢唔多,只能寫信或畫公仔送畀嫲嫲,佢話:「我細個好肉麻㗎,會寫我哋兩個要永不分離,仲有合約要一齊簽名,o依家啲紙溶溶爛爛,嫲嫲都keep住。近幾年儲到啲錢,我就買塊玉送畀佢,我諗咗好耐,反而嫲嫲著重心意多啲。佢有時會亂諗嘢,話唔知見唔見到BB出世,o依家見到就好開心,可能見番我細個時候咁。」

阿雪係獨生女,佢話都希望兩、三年後追多個。佢話:「都想有人陪囝囝一齊成長,好彩現在都有三隻狗仔,其中最錫BB嘅係5歲大『家姐』Moji,BB飲奶、沖涼都會陪住,BB爬,三隻狗仔又會一齊跑,仲會一齊玩波波,好多互動遊戲,好開心。」

9個月大嘅Riley體重近25磅,算係巨型BB,拍攝當日,見Riley都會動手打Moji,問到擔唔擔心?阿雪話:「BB成日驚佢搶嘢食,都要教,但我對Moji好信任,BB喊佢仲緊張過我,會第一時間衝埋去舔番佢。」有冇諗過棄養?阿雪話:「唔會,我覺得屋企有狗仔嘅小朋友會更開心,同懂得愛護及尊重生命。」

至於母親節點慶祝?阿雪笑言要睇老公表現,佢話:「父親節我都諗定點慶祝,因為知佢好enjoy做爸爸,母親節睇佢會唔會送禮物畀我啦,哈哈,食餐飯都OK嘅。」

精選娛聞,喺晒《娛果》

http://fb.com/appledailyent

孫慧雪嘅嫲嫲已經93歲,每次見到外曾孫都會笑到見牙唔見眼。(攝影﹕仇志德、林賓尼) 阿雪從來冇諗過棄養狗仔,反而覺得可以令Riley學懂得愛護及尊重生命。

囝囝Riley有時都會恰Moji(五歲狗女),阿雪話BB最驚狗仔搶嘢食。



Riley係超巨型BB,九個月大已有近25磅。



阿雪由嫲嫲湊大,兩人感情非常好。(相片由受訪者提供)

阿雪話以前賺錢唔多,近年有能力就送咗一塊玉畀嫲嫲。(相片由受訪者提供)

(相片由受訪者提供)

Riley同Moji經常會一齊玩波波,好多互動遊戲。(相片由受訪者提供)

阿雪話老公好enjoy做爸爸。(ig圖片)

阿雪同老公Edwin結婚兩年,已有計劃再生多個。(ig圖片)

鍾意就快D Share啦!