掃呢頁CODE去手機

2018年5月3日 星期四

【亞視開台僅95日】原本職位係顧問 吳雨:只係開台自行要求有行政職銜 __,亞視,吳雨,

亞視永恆…永遠不死,亞洲電視數碼廣播喺今年1月29正式以手機Apps同OTT平台「無限復活」開台,點知開台僅95日,今日即傳出人事變動,行政總裁吳雨同 ...


亞視永恆…永遠不死,亞洲電視數碼廣播喺今年1月29正式以手機Apps同OTT平台「無限復活」開台,點知開台僅95日,今日即傳出人事變動,行政總裁吳雨同營運總監區偉林將會轉做顧問。

吳雨、區偉林同曾醒明今午3點半於尖沙嘴一次過見傳媒,交待吳雨及區偉林未來去向,佢哋指今次舉辦茶聚主要澄清兩點:第一,亞視老闆冇「閂水喉」,老闆一直有好多大型嘅投資,總之亞視員工冇被拖糧;第二,吳雨及區偉林稱自己份合約由頭到尾都係高級顧問,只係因為開台,佢哋自行要求有一個行政職銜,所以先有「行政總裁」及「營運總監」呢個職銜。

吳雨稱現時佢哋要開拓唔同嘅市場,馬六甲、星馬等地方,佢哋做番顧問嘅角色,亞視執行嘅人係另一個團隊,佢又話一定行內人做管理團隊。

問到係唔係無綫人過檔嘅人,同亞視員工磨合唔到,吳雨堅稱:「佢哋唔會囉,呢啲都係我悉心組織,仲加埋有樂視、NowTV同Cable,集合五台,百花齊放。

精選娛聞,喺晒《娛果》

http://fb.com/appledailyent


鍾意就快D Share啦!