2018年5月18日 星期五

【係愛呀!】為惜食堂凖備飯菜 謝霆鋒落區照顧公公婆婆 __,霆鋒,謝霆鋒,

一連五集嘅FOXLife《名廚爭鋒》完滿結束,喺節目最後一集入面提及過,呢次比賽嘅優勝者將會揀一個慈善機構做活動,勝出嘅謝霆鋒就揀咗「惜食堂」作為獎金 ...




一連五集嘅FOX Life《名廚爭鋒》完滿結束,喺節目最後一集入面提及過,呢次比賽嘅優勝者將會揀一個慈善機構做活動,勝出嘅謝霆鋒就揀咗「惜食堂」作為獎金捐贈嘅受惠慈善機構,佢哋將會收到總值240,000美元嘅捐助。日前,佢就去到「惜食堂」大本營行動。

今次霆鋒主要嘅任務係為「惜食堂」嘅愛心飯盒選購材料同埋收集唔同嘅剩食,然後再番到中央廚房,利用收集得嚟嘅食物製作飯盒,再免費派發俾社會上需要食物援助嘅人士。喺廚房備食材時,「惜食堂」總監見到霆鋒切青椒就話:「我哋以後切椒可以用你個方法,你個方法原來快好多!」霆鋒就話:「切青椒其實有中式同西式嘅方法,中式係切頭切尾切個心,跟住滾刀,再搣;我呢個切法就係攞住個『定』,切四邊就搞掂。」

一切準備就緒,霆鋒就跟住義工們推飯上飯堂,為公公婆婆安排上菜。期間,跟霆鋒喺《名廚爭鋒》嘅加拿大名廚David Rocco突然現身飯堂派飯,David話:「我想俾個驚喜Nic,同埋嚟支持佢。」霆鋒當然surprise,「真係好突然,冇諗過佢會喺香港。」

除咗在廚房凖備餸菜,霆鋒預備咗「Angel Cake」添!而霆鋒更用上低糖的材料去泡製啱長者食的angel cake,啲cream全部都係最健康。同時亦都呼應番「Food Angel」呢個名。」問到點解會揀「惜食堂」做受惠機構,霆鋒就話原來一直都好想回饋社會,亦覺得惜食堂很合適,希望籍著今次去傳播咁有意義嘅行動,所以當比賽一開始節目已經問:『你有冇一個受惠機構想捐去?』我話Food Angel係公認做得非常之好的慈善團體!所以就揀咗『Food Angel』。」對於呢次行動,霆鋒坦言有好深感受,「見到咁多人一齊去用心去做呢件事,其實係好touching。係更深層appreciation,見到咁多受惠者都充滿笑容,對我嚟講係好有意義。」

立即按此連結下載APP:http://bit.ly/next28app



鍾意就快D Share啦!
Related Posts Plugin for WordPress, Blogger...