苟姑娘今年初已放風即將嫁陸漢洋William Lok，但依然未見咩實際安排婚禮嘅行動，佢未婚夫身份係賽車手兼「富三代」，查實佢身世都有好啲坎坷，陸漢洋之前叫陸恭和，老豆陸孝佩畢業於聖約翰大學，喺50年代嘅上海幫，旗下間公和建築最巴閉就係1980年承建中環匯豐銀行大廈總行，當時係全球建築費最高嘅project，總值$ 55億，咁威水，何解又唔聽到陸漢洋將老豆個名掛喺口邊？
一句講哂，都係「孽緣」，話說陸孝佩正室是同佢打江山嘅談坤元夫人，然而七十年代初陸孝佩同聖安娜餅店創辦人之一嘅Catherine發展左一段婚外情，73年懷有陸漢洋，但未出世父母就已經分手，八十年代中母親Cathetine帶住13歲的陸漢洋移民加拿大，所以年輕時佢同老豆嘅感情都比較淡，儘管老豆不斷寫信給他嘗試修補父子感情。到陸漢洋20歲才認祖歸宗改名叫陸恭和，名字取其老豆 發跡公司公和建築嘅諧音，99年返香港發展同老豆又有計傾，但佢阿媽Catherine 04年就因為卵巢癌過身，老豆亦係三年前仙遊，但訃聞上面就冇出現陸漢洋。或者陸恭和之名，只有正室所出的兒子陸恭正和女兒陸恭一，可見兩房關係都幾 緊張。否則，苟姑娘都叫做同大家族做到「哎呀」親戚㗎。
陸孝佩個新抱劉淑賜喺新地主席郭炳聯老婆家姐，女婿郭志樑係永安百貨第三代 揸拂人，做咗環境局副局長嘅陸恭蕙，都係佢堂姪女。相比之下選美出身嘅苟芸慧同呢啲Blue Blood又差咗一截噃！
撰文：宗菁華
相關連結：
【遺囑有得睇】苟姑娘未婚夫 繼承遺產有
https://bit.ly/2J3kh6n
立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
