網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年5月30日 星期三

【劇情率先爆】曾偉權頂罪刑場斬頭 陳煒仰天嚎哭 __,曾偉權,陳煒,

無綫劇《宮心計2深宮計》前晚喺香港播映第六集,騰訊上周五宣佈復播,會員可以一口氣睇7集,點知無綫另一個apps喺首播嗰日,已經可以一次過睇10集,結果 ...


無綫劇《宮心計2深宮計》前晚喺香港播映第六集,騰訊上周五宣佈復播,會員可以一口氣睇7集,點知無綫另一個apps喺首播嗰日,已經可以一次過睇10集,結果有唔少觀眾可以睇晒。

***劇透注意***

***劇透注意***

***劇透注意***

***劇透注意***

查實呢個禮拜嘅故事發展,依然係脫離唔到宮廷嘅鬥爭,只係將鬥爭轉咗去陳煒同胡定欣身上,佢哋為咗拆唔拆個田心宮而爭坳,原來煒哥為咗駙馬嘅死一直耿耿於懷,覺得係因為一個宮女口多而令駙馬出事,於是乎一直將呢個宮女軟禁喺田心宮,仲營造一個鬧鬼嘅傳聞,搞到後宮嘅人唔敢行近,實情係長年累月虐打呢個宮女。

直到有一次喺劉心悠嘅誤打誤撞之下,揭發咗呢件事,於是乎馬仔同定欣向皇上告狀,定欣搵埋個宮女一齊指證陳煒,不過佢當然死口唔認,突然間駙馬曾偉權跳出嚟幫陳煒頂罪,最後皇上下令要駙馬人頭落地。雖然陳煒同曾偉權表面上貌合神離,但係曾偉權一直都深愛陳煒,為咗唔想令陳煒難過,佢刻意做到係為咗亡妻而希望早死,於是乎就算陳煒親手整咗最後嘅晚餐,佢都扮到唔在乎,搞到陳煒嬲爆走人!

去到行刑前一刻,陳煒喺曾偉權嘅好友口中得知,原來佢一直都好在乎自己,即使佢身患重病,都寧願犧牲自己而保護陳煒,最後陳煒騎馬趕去刑場,可惜最終都改變唔到件事,之後佢誓言要同駙馬報仇,佢同馬仔、定欣嘅鬥法更加激烈。

正所謂薑係越老越辣,呢場戲係感人,睇到曾偉權喺監獄望住陳煒背影泣別嘅喊戲,再加上陳煒騎馬去刑場,但係都救唔番駙馬,佢當時望住個天狂喊個樣,最後陳煒去咗湖邊一個亭悼念駙馬,臨走前完咗駙馬嘅遺願,希望喺每次見面後,臨走前一刻都想見到陳煒回眸一笑,又真係好心酸。至於飾演宮女嘅,就係喺亞視過檔嘅袁潔儀,睇到佢俾陳煒搞到吐血身亡,真係估佢唔到。




鍾意就快D Share啦!


Related Posts Plugin for WordPress, Blogger...