掃呢頁CODE去手機

2018年5月20日 星期日

【梁朝偉講心底話】夏韶聲音樂交朋友:佢會夜晚嚟搵我傾偈 __,夏韶聲,梁朝偉,朝偉,

夏韶聲入行接近四十年,踩過界拍電視同電影,原來跟唔少圈中人都是好朋友,有不少巨星更會跟他傾心事。娛樂圈中,他跟陳小春、梁朝偉和古天樂等都有偈傾。「你會 ...




夏韶聲入行接近四十年,踩過界拍電視同電影,原來跟唔少圈中人都是好朋友,有不少巨星更會跟他傾心事。

娛樂圈中,他跟陳小春、梁朝偉和古天樂等都有偈傾。

「你會睇到佢哋咁樣落去唔係好得,唔係講借唔借錢俾佢呢個問題,而係不如你講俾佢哋聽可以點做。或者你哋(記者)將來有機會訪問梁朝偉同陳小春嘅時候,可以問佢哋,因為我都好開心,佢哋曾經喺唔係好紅嘅時候,夜晚嚟搵我傾偈。譬如當年梁朝偉話佢好投入拍戲,同個角色抽離唔到,我咪喺呢方面同佢傾吓偈囉,因為我嗰時都係拍戲嘅,大家有呢個交流。」他說。

古天樂更曾經稱呼他做師傅,他說:「古仔曾經叫我師傳嘅,我哋好少見面,但我哋有聯絡。佢會問點解我唔搵佢?我同佢講,你咁紅,如果我成日搵你,我驚你諗錯嘢㗎嘛。」

身為樂壇搖滾教父,他表示組合Mr、Rubberband都是慢慢上位。一直有給新人機會的他,經常帶住新組合Black Wine出騷。

「我覺得佢哋唔使氣餒嘅,大家都唔知道將來會去到咩位,不過我想佢哋改咗口頭襌,唔好成日話自己係地下樂隊,地下係用嚟埋死屍嘅,你喺上面行,係人嚟嘅。」他這樣鼓勵BAND友。

攝錄:余一駱 蕭敬漁

場地提供:銅鑼灣HMV

HAIR: BRUCE CHOY@Flying Shears

MAKE UP:WONG WING

WARDROBE:Bettie Bespoke

立即按此連結Download:http://bit.ly/next28app

鍾意就快D Share啦!