掃呢頁CODE去手機

2018年5月15日 星期二

搜查線:搜查線:藍莓收腹?奇異果減肥腿?水果減肥有幾堅 __,藍莓,劉俐,

近日網上大熱的水果局部減肥法,你又試過未?踏入5月,天氣愈來愈熱,女士們為迎接炎夏,都會積極滅肥。近期網上瘋傳水果局部減肥法,大受追捧。有指進食不同水 ...


近日網上大熱的水果局部減肥法,你又試過未?


踏入5月,天氣愈來愈熱,女士們為迎接炎夏,都會積極滅肥。近期網上瘋傳水果局部減肥法,大受追捧。有指進食不同水果有助減掉身體不同位置脂肪,如藍莓可助收小腹、奇異果可減肥腿等,究竟水果局部減肥法有何根據?

「無根據話食咩水果,就可以特定減邊個位置!」家營營養中心資深營養師吳耀芬(Kathy)指,身體好似一個「倉庫」,主要於兩個位置儲存脂肪,包括內臟的周圍及皮下脂肪。任何一個減肥方法,都是靠消耗這兩個「倉庫」的能量而去減肥。

不過,抽取那一個「倉庫」由自己的基因去選擇。所以,進食水果是不能特定減某個部位。她謂,「有啲蔬菜水果幫助排走宿便或者腸道空氣,令個肚扁啲,但唔代表消耗咗啲脂肪。」

要注意,不少人以水果代替正餐,原來亦潛藏危機。Kathy指,「要食足夠澱粉質先到蔬菜水果,如果只係食水果,會出現熱量不足嘅情況,又缺乏蛋白質。」另外,血壓低人士,進食過多水果,會因吸收太多鉀質,容易頭暈。腎病病人吸收過多鉀質亦會影響病情。進食高糖水果,如芒果、荔枝、提子,糖尿病患者食得太多,血糖亦會飆升。

進食水果亦不一定可以減肥,相反亦有機會致肥。例如牛油果雖含維他命E及不飽和脂肪,但屬高卡路里水果;榴槤高脂又高糖,兩者進食太多都會容易致肥。

除此之外,飲果汁代替食原個水果,原來亦大有問題。「好似橙汁,一杯橙汁要用3個橙榨成,結果一次過飲咗3個橙嘅熱量同果糖。飲咗唔會飽,飲好多都得,好容易令人致肥。」同時,只飲用果汁,而沒有進食當中的纖維,亦會較容易便秘。果汁鉀質高,血壓低人士飲用後會特別容易頭暈或者感到疲累。

哪如何進食水果才是最好?Kathy建議,可將水果當作小食,兩餐之間的補充品。正餐沒有進食足夠蔬菜,就可借此段時間補充。

另外,想減肥可以於飯前進食具飽肚感的水果,如蘋果、西瓜及火龍果等。「食咗水果無咁餓,食正餐時都可以減輕食量。」大家亦可選擇於飯後進食含維生素C的水果,如士多啤利、奇異果、橙、提子及藍莓等。「食飯時食咗有鐵質嘅食品,好似豬肉、牛肉或者深綠色的蔬菜,依啲水果可以幫助吸收鐵質。」

Kathy提醒,不能盲目減肥,只進食熱量低的食物。要健康減肥,應跟從食物金字塔,不能偏食,盡量進食不同種類的食物,吸收不同營養素。高卡路里的食物或水果亦不應完全戒掉,進食時控制份量便可。

-------------------------

《骰寶坊》誠邀各地【賭王】【賭后】挑戰神人境界,每日更有百萬籌碼等你領取!

立即免費下載,體驗《骰寶坊》最真實、刺激的多人在線骰寶遊戲!

遊戲下載:https://goo.gl/j16mcF


來源 source: http://hk.on.cc
鍾意就快D Share啦!