掃呢頁CODE去手機

2018年5月28日 星期一

龍小菌重返旺角獻聲 唔夠大媽嗌爆咪 __,龍小菌,

■龍小菌前晚同自家樂隊帶菌者樂手Mann喺旺角行人專用區以結他表演,重溫以前做街頭藝人感覺。
■龍小菌前晚同自家樂隊帶菌者樂手Mann喺旺角行人專用區以結他表演,重溫以前做街頭藝人感覺。油尖旺區議會日前通過研究旺角「殺街」議案,預計四個月後執行 ...


油尖旺區議會日前通過研究旺角「殺街」議案,預計四個月後執行,龍小菌曾經以「蒙面歌手」喺此地獻唱,亦曾因不快經歷表示唔會再返嚟表演。前晚帶同自家樂隊帶菌者嘅樂手Mann重遊舊地,發現多咗霸位文化,要去到街尾先搵到有利位置獻唱,兩人只靠木結他,當然唔及準備咗大喇叭嗌爆咪嘅大媽響亮:「一把人聲,未必因為咁吸引到觀眾去睇,就係因為每個表演者都咁諗,變得大家鬥大聲。如果大聲好聽,聽落舒服冇問題,但大家鬥大聲,只係純粹想蓋過其他表演者,就變得唔係好健康。」



■呢次小菌發現多咗好多裝備十足嘅大媽藝人表演者擺檔。

■呢次小菌發現多咗好多裝備十足嘅大媽藝人表演者擺檔。

疲勞轟炸

小菌闊別旺角行人專用區舞台五年,雖發現表演者多咗搵食大媽,但唔反對透過街頭表演去搵食。對於噪音問題嚴重,佢都明白居民感無奈:「一路咁玩都會係疲勞轟炸,每日可能最多5至6點,或6至7點,我覺有個限期唔會咁辛苦,亦可訂出某時段玩音樂,當然唔能夠超過噪音限制。」對於「殺街」,佢覺得可惜:「冇咗街頭文化梗係可惜,當呢度太氾濫,冇辦法去控制,就會對側邊商戶、居民造成騷擾同滋擾,都要搵個平衡點。」

撰文:馮仁昭




鍾意就快D Share啦!