2018年5月6日 星期日

陳家樂:勁入屋!陳家樂陷三角戀 靚湯翻生做小三 __,陳家樂,小三,

靚仔又好戲!藝人陳家樂因劇集帶挈而獲封男神,日前他被發現現身街頭測試人氣,獲大批戲迷包圍及集郵。家樂恃機向無綫「獻媚」,明言不介意「再下一城」!而本周 ...


靚仔又好戲!


藝人陳家樂因劇集帶挈而獲封男神,日前他被發現現身街頭測試人氣,獲大批戲迷包圍及集郵。家樂恃機向無綫「獻媚」,明言不介意「再下一城」!而本周劇情將交代他與林夏薇戀情升溫,但情路崎嶇不平!

家樂因接拍無綫劇《逆緣》人氣急升,他與林夏薇在餘下十集戲愛到難捨難離,不過一對小情人最終未能同偕白首,薇薇形容這段戀情是「半Happy Ending」。據悉,劇情於周一開始漸趨百熱化,奸角陳山聰本派車撞家樂,豈料撞死薇薇養母韓馬利,家樂於是許下諾言,照顧薇薇一生一世。奈何一個疑似家樂死去太太湯洛雯(靚湯)的「第三者」突然出現,令二人戀情藏暗湧!當被追問「半Happy Ending」究竟是指甚麼,薇薇受訪時大賣關子:「咁要大家追睇嘞!」

拍劇入屋想再添食

劇中已榮升「太爺」級的家樂,日前應無綫《東張西望》之邀,到銅鑼灣測試人氣,家樂相當「吸客」,男女老少都爭取機會與他合照。談到升呢當男神,他笑說:「落到銅鑼灣,我都擔心有冇人認得出我,好彩大家嘅反應好正面,除咗太太、少女,連男性觀眾都停低搵我傾偈,最感動係撞到個粉絲講得出我點出道、拍過乜戲等。拍劇真係好入屋,如果無綫再搵我,我一定會考慮!」

頹Look落樓冇形象

另外,家樂接受電台訪問,笑言自己不是偶像派:「我落樓會踢拖、着短褲、唔洗頭,拍拖亦冇諗過要隱瞞,我視女友為結婚對象。」參加新秀歌唱比賽入行的他,自爆當年英皇將Boy'Z重組為Sun Boy'Z,自己本在候選名單之列,但最終上了幾堂跳舞課便決定放棄:「因為我跳到成隻蟹咁!」至於今日31歲生日的靚湯,日前獲一班好友包括馬國明及黃心穎等,為她舉行生日派對,席間一口氣切足3個蛋榚。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...