掃呢頁CODE去手機

2018年5月13日 星期日

【母親節專題】媽咪藤條侍候 森美難忘捽藥油一刻:打你,我心痛 __,森美,

「記得阿媽話:『我打你,我心痛呀!』」說這句話時,森美淚崩了!「腦裏面記得媽咪跪喺度,同校長講:『你收我個仔啦!』」30多年前媽咪跪小學校長的畫面,森 ...


「記得阿媽話:『我打你,我心痛呀!』」說這句話時,森美淚崩了!「腦裏面記得媽咪跪喺度,同校長講:『你收我個仔』」30多年前媽咪跪小學校長的畫面,森 ...


「記得阿媽話:『我打你,我心痛呀!』」說這句話時,森美淚崩了!

「腦裏面記得媽咪跪喺度,同校長講:『你收我個仔』」30多年前媽咪跪小學校長的畫面,森美依然歷歷在目!

這就是--偉大的母愛!

森美指媽咪只有小學程度,爸爸以前是消防員,小時候一家住在葵盛邨,森美媽咪跟普通母親一樣,都希望兒子入名校;直至兒子中大畢業,森美媽咪的心事已了,跟老公一齊學社交舞,去年參加英國黑池國際錦標賽打入12名;這天,森美欣賞父母跳舞,還跟媽咪學跳社交舞,很溫馨。

森美媽同森美早前一齊接受《蘋果》專訪,「佢細個身體弱啲,成日唔舒服,同埋佢係好鍾意駁嘴,你講一句,佢可以講好多句,你會好嬲。」說到兒時趣事,森美媽咪好氣又好笑,爆森美讀幼稚園上堂傾偈,被老師用膠紙黐嘴。森美說:「嗰時頑皮阿媽用藤條打我,咁我梗係走,鎖自己喺廁所唔畀阿媽打,仲記得自己點駁嘴:『你又唔係天主,點解你可以打我?』」回憶中的森美眼紅紅說:「大個發現細個怨得最多嘅嘢,就係阿媽最偉大嘅事,記得阿媽打完我,有時瘀咗…」森美崩潰爆喊:「阿媽幫我捽藥油,記得阿媽話:『我打你,我心痛呀…』」媽咪見兒子哭了,自己亦激動流淚說:「佢係一、二年班最曳,默書唔及格一分打一藤。」

望子成才的森美媽咪,坦言很想兒子入名校:「左右隔籬都話我,點解讀幼稚園已經離開屋邨,小學出九龍,我個心態,屋邨呢,我就驚佢群啲同學仔太犀利,一放學就玩。」當年她一早去聖芳濟各排隊攞報名表,可惜森美面試失敗,最後獲派荃灣天主教小學,返了3日學後,便帶兒子到聖芳濟各求校長。森美憶說:「我仲記得個畫面,媽咪跪喺度同校長講:『收我個仔』結果學校都有收我,好多謝校長。」媽咪卻笑說:「我只係記得教員室有個counter,前面有張凳,我就跪喺張凳度話見校長。你仲話:『阿媽,你唔好求啦,唔使求佢啦,我唔讀呢間學校啦。』」

之後森美由小五開始發奮讀書,曾就讀聖芳濟各書院、聖士提反書院、喇沙書院等名校,森美媽咪坦言:「嗰時最想佢讀好書讀好學校,到中學畢業佢話去理工讀設計,嗰時理工未係大學,我話梗係唔得你要做大學生畀我,我叫做責任完,做父母就係咁。」

雖然想兒子做醫生、律師,但森美卻入中大讀新聞與傳播學院,她說:「我冇失望,我個心係,你大學畢業就算嘞,最遺憾就係佢行大學畢業禮唔畀我去。」森美大笑:「去乜嘢,畢業禮我都冇去,我諗嘢好怪,唔想畀阿爸阿媽覺得有乜大不了,但佢哋覺得好緊要。」森美媽咪笑謂:「o依家要等個孫。」森美畢業後入了娛樂圈,問伯母有冇反對他入行?森美媽咪說:「冇,呢啲我唔識,係諗做得開唔開心,佢幾錢人工我都冇問㗎!後期…嘩,咁多,做」

數年前森美自爆曾患抑鬱,問到是否好擔心兒子?森美媽大呻:「哎呀!抑鬱我係睇報紙先知道,吓!我個仔病咩?啲朋友問我,我真係唔知喎!我問佢有冇睇醫生,我幫唔到佢。」森美解釋:「可能工作壓力大,嗰時自己知道病,都冇乜特別講,因為handle到。」問到森美是否孝順仔?媽咪說:「佢對父母係孝順,好關心你,得閒諗到搵爸爸媽媽食飯,唔係去搵朋友。」森美說:「好多謝媽咪,我由細到大都係曳、嘴硬,中一開始對得住阿媽,跟住又生仔,我都算孝順,但好多時候唔懂得表達情感,好少同媽咪講。」

攝影:葉君海

攝錄:Meng、葉君海

場地:DADA Bar + Lounge @ THE LUXE MANOR

(左圖:森美提供圖片、右圖攝影:葉君海) 森美小時候一家住在葵盛邨(森美提供圖片)

森美指媽咪只有小學程度,但同其他媽咪一樣,望兒子入讀名校。(森美提供圖片)

森美媽咪爆兒子小時候已愛駁嘴,令人生氣。(森美提供圖片)

森美中大畢業後,加入娛樂圈,在電台做DJ。(資料圖片)

森美其後更踏入影圈(電影《新紮師妹》劇照)

又做舞台劇

更孖住好拍檔小儀做電視主持

後來更加拍埋電視劇(劇照)

森美媽咪對兒子入娛樂圈說:「我唔識,係諗做得開唔開心,佢幾錢人工我都冇問㗎!後期…嘩,咁多,做」

重提兒時舊事,森美忍不住落下男兒淚。

雖然森美曾經令媽咪好激氣,但問到兒子是否孝順,森美媽咪直讚兒子有空會找父母吃飯。

兒子中大畢業,森美媽咪的心事已了,跟老公一齊學社交舞。

早年更在澳洲的比賽中奪獎(森美提供圖片)

看着父母跳社交舞的樣子,森美樣子勁安慰。

森美媽咪教仔跳社交舞

見森美紮行馬… 就連森美爸爸都忍不住想出手教。

與兒子相擁共舞,森美媽咪由心笑出來。

這一幕幫媽咪抹汗很溫馨

森美難忘媽咪為自己o偽校長那一幕,更忘不了被「藤條炆豬肉」的一刻。

鍾意就快D Share啦!