2018年5月1日 星期二

【簡體字圍城】全城盡掛簡體字 港人不滿:淨係做大陸生意 __,大陸,中國,

內地五一黃金周期間,去一轉尖沙咀,發現維港兩岸燈飾,早已被中資企業包圍。再行廣東道、海防道一帶,四圍都是普通話,遊客拖住喼踎在街上爆買,就連掛著粵港車 ...




內地五一黃金周期間,去一轉尖沙咀,發現維港兩岸燈飾,早已被中資企業包圍。再行廣東道、海防道一帶,四圍都是普通話,遊客拖住喼踎在街上爆買,就連掛著粵港車牌的左軚車也在街上違泊,港人生活真的離不開強國客。

店鋪也看準內地客市場。海港城內就有一間SONY專門店,門楣上的店名只用了英文及以簡體字寫的「索尼直营店」。香港人李女士表示,乍看還以為此店是在內地,「直咩店?唔知直咩店。香港人唔識睇嗰啲中文字。香港人唔會知道中文係叫索尼。佢應該係做內地人生意,唔係做香港人生意。」

黃先生表示,作為香港人對此有點反感,「因為始於係香港人嘅地方,你冇理由用簡體字推銷,又唔係內地。」馮小姐亦表示觀感不好:「始於睇慣繁體字,突然好似我哋要去遷就佢哋咁。」

本刊曾向海港城及SONY查詢,SONY回覆稱,其專門店之店舖招牌分別以繁體中文、簡體中文及英文顯示。按圖所示,其所指以繁體中文寫的招牌,是在門口旁的牆上「尖沙咀海港城專門店」數字。而海港城截稿前未獲回覆。

撰文:鄭靖而

攝影:蔡福生
黃金周期間,大批內地遊客殺到,掛著粵港車牌的左軚車在尖沙咀海防道違泊。

鍾意就快D Share啦!
Related Posts Plugin for WordPress, Blogger...