2018年5月15日 星期二

【爆相爆片】人夫錢嘉樂緊張兩個女 當街呼喝老婆﹕唔好咁多嘢講! __,錢嘉樂,

錢嘉樂同湯盈盈結婚6年,先後誕下兩女,大女錢凱晴(Alyssa)已經5歲,細女錢凱琪(Kassidy)亦快將滿3歲。一直有傳盈盈樂樂好想追多個仔,早前 ...


錢嘉樂同湯盈盈結婚6年,先後誕下兩女,大女錢凱晴(Alyssa)已經5歲,細女錢凱琪(Kassidy)亦快將滿3歲。一直有傳盈盈樂樂好想追多個仔,早前TVB社交網專頁上載一段盈盈同Kassidy做手作嘅短片,標題竟然寫住「恭喜湯盈盈再度懷孕!」最後搞清楚,原來係一場誤會。

盈盈樂樂人前人後都咁恩愛,但前日竟然有讀者爆料指嘉樂當街呼老婆!蘋果讀者李小姐透過《爆相爆料》,表示母親節下午三點幾,見到盈盈樂樂帶住兩個女行經賽西湖公園外,李小姐話喺對面馬路都清楚聽到佢哋講嘢好大聲,表現有啲忟憎,李小姐話﹕「最初聽到盈盈話『拖住個女,小心佢走出馬路』,跟住嘉樂就好嬲咁話『咁你交畀我喇,唔好咁多嘢講』,跟住就拖住大女行前,與盈盈同細路隔咗一段好遠距離。」

問到係咪鬧交?盈盈前日回覆傳媒時就話﹕「係咪啲女做緊危險動作,佢緊張咋?」之後盈盈仲笑晒口話﹕「嘉樂話佢平時唔緊張架,唔知係咪你哋睇住啦。」母親節當日,盈盈湊女前仲要出席《愛回家》宣傳,透露晚上會同老公嘉樂、奶奶及好友鍾麗淇一家吃飯慶祝,盈盈話﹕「早兩日已經訂好花畀媽媽同奶奶,仲同兩個囡一齊包禮物送畀工人姐姐,始終對方都係人哋媽媽,放下自己嘅小朋友去照顧自己個女。」咁體貼嘅老婆,嘉樂要錫老婆多啲喇!

精選娛聞,喺晒《娛果》 http://fb.com/appledailyent

嘉樂同盈盈都好緊張兩個女,難免會有嗌霎。 嘉樂(右)一手拖住大女行先,與盈盈(左)有一段距離。(讀者李小姐提供)

盈盈擔心囡囡自己走出馬路。(讀者李小姐提供)

嘉樂唔使開工就會陪住屋企人,係公認顧家好男人。(ig圖片)

大女Alyssa早前生日,盈盈樂樂就幫佢變成小公主,同一班小朋友一齊開party。(ig圖片)

(ig圖片)

(ig圖片)

母親節當日,盈盈出席《愛回家》宣傳,透露會同嘉樂及奶奶一齊慶祝,好孝順。



母親節約埋鍾麗淇一家食飯。(ig圖片)

鍾意就快D Share啦!
Related Posts Plugin for WordPress, Blogger...