掃呢頁CODE去手機

2018年5月30日 星期三

女神男神:皇馬大將溝歐聯表演歌手 捧完盃激情短聚 __,女神,

(GettyImages、互聯網圖片)睇DuaLipa歐聯精彩演出:https://bit.ly/2LHijr1 皇馬於歐聯威風八面,決賽擊倒利物浦完 ...


(Getty Images、互聯網圖片)


睇Dua Lipa歐聯精彩演出:https://bit.ly/2LHijr1 

皇馬於歐聯威風八面,決賽擊倒利物浦完成三連霸,史上十三度稱霸歐洲,球隊上下當然開心到爆,但馬高阿辛斯奧應該係最開心嗰個。土耳其CNN報道,呢名22歲好波之人於捧盃後撻着決賽表演嘉賓,同樣係22歲嘅英國激紅女歌手Dua Lipa,據報二人即晚就激情短聚,度過咗個火辣嘅晚上。

阿辛斯奧於決賽雖然上陣極短時間,但於晉級過程中貢獻甚大,亦被公認為皇馬未來絕對主力,現時身價極大機會已過億英鎊。土耳其CNN言之鑿鑿,表示呢對靚仔靚女當晚即場過電,於慶祝捧盃場合表現親暱,更話二人情到濃時入房短聚。

Dua Lipa係現時英國當紅女歌手,五官標緻身材勁正,身上紋身非常性感,難怪被選為決賽開賽表演嘉賓。當日Dua Lipa嘅歌衫,勁騷火辣上圍及一對長腿,一出場就勁吸睛,青春無敵引死人。阿辛斯奧又靚仔又有前途,賽後火速撻着都好合理。

緋聞傳出後,Dua Lipa話根本冇咁嘅事,甚至話冇見過阿辛斯奧:「我同佢未見過面。報道話我哋於賽後撻着,決賽後我唔會見皇馬球員,因為我經理人係利迷,我咁做佢會打死我!」空穴來風未必無因,信邊個就由大家判斷喇。

即上彩報世盃專頁:http://win.on.cc/football/cup2018/ 

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!