2018年5月18日 星期五

【呢個老婆娶得過】阿嬌下周結婚 收老闆楊受成七百萬嫁妝 __,阿嬌,楊受成,鍾欣潼,

37歲嘅阿嬌,今年一月喺生日party答應男友賴弘國求婚,下星期兩個就喺美國L.A舉行婚禮。近日佢啲好姊妹Yumiko帶住做花女嘅梁浸浸出發,先旅行之 ...




37歲嘅阿嬌,今年一月喺生日party答應男友賴弘國求婚,下星期兩個就喺美國L.A舉行婚禮。近日佢啲好姊妹Yumiko帶住做花女嘅梁浸浸出發,先旅行之後就出席阿嬌婚禮。

終於嫁得出,好多人都戥佢開心,為慶祝佢成為人妻,好姊妹阿SA,送上婚紗,不過講到最大手筆,相信就係笑佢終於搵到件正嘢,當佢女一樣嘅老闆楊受成。

楊生送嘅嫁妝,真係好重手,就係阿嬌一直心儀嘅上海豪宅,一千七百呎,有三房。而呢個樓盤並非楊生公司旗下,照咁睇嚟呢份市值港幣七百五十萬嘅厚禮,係楊生真金白銀買嚟送俾阿嬌。對阿嬌都咁重手,他日佢頭號愛將容祖兒結婚,肯定送嘅嫁妝多兩個零頭!

加埋阿嬌手上持有一個三千幾萬嘅香港磚頭維壹,富婆嬌攞住四千幾萬嘅嫁妝結婚,分分鐘有米過佢老公。

下周美國婚禮,只有一對新人嘅好友出席,之後再返老公嘅老家台灣開party,至於雙方家長唔會現身,因為今年九月佢哋會喺香港補擺婚宴,到時兩家人先會出席。

立即按此連結下載APP:http://bit.ly/next28app




鍾意就快D Share啦!
Related Posts Plugin for WordPress, Blogger...