掃呢頁CODE去手機

2018年5月30日 星期三

打機輸俾方大同「地獄廚神」薛凱琪:煮嘢食我贏 __,薛凱琪,

■薛凱琪自言是鞋癡一名,家中有一間房用來放鞋。
■薛凱琪自言是鞋癡一名,家中有一間房用來放鞋。薛凱琪(Fiona)昨晚到太平行出席「CHANELBeauty舉行COCOGAMECENTER」活動,F ...


薛凱琪(Fiona)昨晚到太平行出席「CHANEL Beauty舉行COCO GAME CENTER」活動,Fiona就話好開心能夠出席呢個活動,問到係咪呢個品牌嘅粉絲或收藏品牌嘅物品?佢就話:「我反而鍾意儲鞋,係一個鞋癡,我收藏咗幾百對鞋呀,對於選鞋特別花心思同心機去揀,尤其是成日要着高踭鞋去跳舞,所以一定要揀一對好嘅鞋,如果唔係就會傷到條腰,自己試着一啲好靚但唔舒服嘅鞋,反而着到自己對腳損晒,所以有咁多鞋搬屋、裝修時,都會叫設計師幫我設計一間房嚟擺鞋,o依家屋企都有一間房放我幾百對鞋。」

現場設有一啲遊戲機供出席者玩,Fiona就話頭先都有同方大同試玩打機,係一個彈琴嘅Game,佢話:「當時我好認真咁玩,但係都要輸俾大同十萬分,估唔到現實生活彈琴叻,打機彈琴都係咁叻,如果係煮嘢食,可能就會到我贏番喇!」記者即時取笑Fiona參加《美女廚房》時係輸咗,仲有地獄廚神封號,佢聽到之後即話:「人會變㗎嘛,(你可以參加新一輯《美女廚房》喎?)Hey,今日唔講呢啲嘢都係講番活動嘢先。」之後Fiona就轉移話題,話自己兒時都立志想自擁有一個時裝品牌,所以COCO CHANEL都係佢最喜愛嘅牌子。




鍾意就快D Share啦!