掃呢頁CODE去手機

2018年5月19日 星期六

推得郁吹神「操嘢」減肥 阿徐:可以緊緻番啲囉 __,阿徐,徐濠縈,

■阿徐笑指老公怕被她鬧,主動約教練操肌。徐濠縈、吳千語、陳漢娜、王敏奕、林愷鈴與鄭融前晚現身尖沙嘴,出席Fendi時裝活動,阿徐身穿黑色bratop輕 ...


徐濠縈、吳千語、陳漢娜、王敏奕、林愷鈴與鄭融前晚現身尖沙嘴,出席Fendi時裝活動,阿徐身穿黑色bra top輕露小蠻腰示人,原來她近日勤力操弗,更影響到老公陳奕迅(Eason)減肥,她說:「大家年紀唔細,都係時候,佢成日話自己唔係肥,但我挑戰佢,要佢緊致番。最近劉浩龍幾個月減咗30幾磅,唔只瘦仲有線條,唔使老公做到佢咁,佢𠵱家170幾磅,瘦番啲,眼望埋去弗就得。」



■阿徐借劉浩龍為演唱會成功操肌,勸掂老公做運動操弗。互聯網圖片

老公怕被鬧

阿徐爆料指Eason搵了當年為張家輝操成肌肉人的健身教練Michael幫手,每星期操三日,又笑指Eason驚被她鬧,所以積極搵教練度期,她說:「呢件真係2018年最開心嘅事,同佢一齊幾十年都唔肯,不過我澄清佢係有打羽毛球同網球。」問到如何獎勵老公,例如生B慶祝?她說:「其實我哋已經傾咗條件,不過唔講得。生B唔喇,我太老,有六嚿腹肌好過大肚。」



男友非工人

同場的千語透露現在多於北京工作,更自爆家中甚亂,必要時才做家務,問到會否嚇怕男仔?她說:「又冇,好似冇人嫌棄過,可能未到好差。」問到會否物色住家男?她說:「好似唔係好需要,男友嘅作用唔係工人。」與林峯分手後至今,與內地富三代、前全國政協施子清長孫施伯雄傳緋聞,千語說:「食飯啫,每次食飯都話係,都要畀吓機會了解。不過成日飛,好難進一步了解,睇緣份。」問到是否與施伯雄了解中?她說:「我哋一直係朋友,識咗好耐。」

採訪:羅慧敏

攝影:仇志德



■吳千語被問到好友超蓮細佬猷啟年底的婚事,她表示與猷啟不稔熟。

■陳漢娜稍後與林家棟及任賢齊去台灣拍災難片《殊途同歸》。

■龔慈欣女兒林愷鈴罕有出席時尚活動。

鍾意就快D Share啦!