熱爆娛樂: 【行康城紅毯違規】網民質疑扮跌強國「谷胸大媽」被起底… _

2018年5月9日星期三

【行康城紅毯違規】網民質疑扮跌強國「谷胸大媽」被起底… __,康城,強國,中國,

第71屆康城影展凌晨開幕，一眾女星踏上紅毯，衣香鬢影，有一位疑似大陸嘅不知名「谷胸大媽」，忽然喺樓梯笑晒咁跌倒，差啲走光，仲擘開咗對腳，幸好佢及時用手袋遮一遮以免露底(新聞連結：https://bit.ly/2HYviWJ)。

大陸網民叫佢做「想蹭熱門的大媽」，批評呢位「谷胸大媽」特登跌倒，質疑呢啲風氣幾時先可以杜絕，而「谷胸大媽」亦被外媒影到喺紅毯拎手機自拍，手機殼仲印有自己上年行康城影展紅毯嘅相，自戀陶醉，今年大會規定來賓「禁止在紅毯自拍與拍照」，「谷胸大媽」明顯違規。

中國網民更火速起底，指「谷胸大媽」叫邢小紅，自稱獲第18屆環球夫人世界五強、亞洲總冠軍，又係國際紳士名媛俱樂部新加坡主席，出生於北京，目前同老公定居新加坡，有一個20歲女兒。

此外，邢小紅喺微博辯稱「大半碼的高跟鞋和選美時斷裂過的腳跟，一不小心就栽倒了。在紅毯drama的環境下，即使是真的摔倒也基本被認為假摔，那麼我寧願相信一切是最好的安排吧，enjoy it，再次走上坎城電影節開幕紅毯是興奮的，所以摔倒了從容面對。人生太短，不論遇到甚麼站起來繼續往前走就好，畢竟最好最美的風景永遠在路上」。

精選娛聞，喺晒《娛果》

http://fb.com/appledailyent

	「谷胸大媽」喺紅毯上違規自拍，手機殼仲要刻意印有去年爆乳look現身第70屆康城嘅相。	 「谷胸大媽」邢小紅同老公一齊出席。
 睇佢個微博，似乎佢都幾鍾意「跌倒」呢個姿態。	 邢小紅又解釋對高踭鞋大半碼。	 網上圖片
 網上圖片