2018年5月16日 星期三

【爆相爆片】飛甩廖碧兒?億萬富豪男友約正印睇Bruno Mars斷正 __,碧兒,廖碧兒,

39歲嘅廖碧兒最近高調戀上隱形億萬富豪盧啟賢(Calvin),早前碧兒去睇趙學而演唱會,雖然男友冇一齊去,但就聯名送咗個花牌,仲放上igstory晒恩 ...


39歲嘅廖碧兒最近高調戀上隱形億萬富豪盧啟賢(Calvin),早前碧兒去睇趙學而演唱會,雖然男友冇一齊去,但就聯名送咗個花牌,仲放上ig story晒恩愛。

不過,《蘋果》近日不斷收到讀者爆料指,Calvin與泰國龍頭電訊公司太子女Nina一直未分手,每逢周末都會嚟香港與Calvin見面。而廖碧兒就否認,話據佢了解Calvin同Nina只係朋友,對方已經結咗婚。(相關新聞﹕https://bit.ly/2jjPgg2)

日前讀者廖小姐透過「爆相爆片」,表示上周日(13號)喺亞洲國際博覽館欣賞美國流行天王Bruno Mars期間,遇見Calvin與泰藉女友Nina一齊睇騷,同行仲有一位男性朋友及兩個小女孩。廖小姐話﹕「Calvin同埋啲小朋友入場先,Nina隔咗一陣先嚟,佢哋坐埋一齊,感覺係似情侶,因為佢哋有玩自拍,個女仔仲挨個頭落Calvin膊頭,完全唔覺有尷尬或隱瞞,但全程就唔見廖碧兒。」

Calvin等人買咗最貴坐位飛,片中見Calvin好high,趁未開騷時與其中一位小妹妹玩人浪,廖小姐續說﹕「見Calvin都有撩細路女玩,坐佢旁邊嗰位唔知係咪佢個女?」廖碧兒至截稿前未有回覆。

精選娛聞,喺晒《娛果》 http://fb.com/appledailyent

廖碧兒公開認與Calvin拍拖,但上周日Calvin卻與疑似正印一齊睇騷。(圖片讀者提供) Nina(白衫)不停自拍,期間都有叫埋Calvin一齊影。(圖片讀者提供)

Nina將個頭挨落Calvin膊頭上。

Calvin心情勁好,仲有同小朋友一齊玩。

開騷前,Calvin仲同小朋友一齊玩人浪。

廖碧兒男友Calvin相約正印Nina睇Bruno Mars。(資料圖片)

廖碧兒早前去睇趙學而演唱會,同Calvin聯名送花牌。(ig圖片)

(ig圖片)

有指Calvin同Nina已拍拖7年。(讀者提供)

廖碧兒同Calvin早前一齊去酒店high tea。(資料圖片)




鍾意就快D Share啦!
Related Posts Plugin for WordPress, Blogger...