張智霖（Chilam）和胡杏兒昨日在鯉景灣拍攝電影《死亡通知單暗黑者：首部曲「雙龍會」》（暫名），劇情講述Chilam向杏兒求婚，兩人受訪時重做一次求婚過程讓媒體拍照，不過張智霖堅持不下跪，現實生活已為人夫的他為杏兒戴上求婚戒指時，又烏龍不知戴在哪隻手指上，最後要由人妻杏兒提醒。
| | |
男兒膝下有黃金
Chilam之後指了指杏兒手上的戒指後搞笑說：「堅嘢嚟㗎，幾有誠意，兩卡幾㗎！」問到Chilam為何不肯下跪？他笑着說：「跪唔係重點，我見到呢隻鑽戒都嚇一嚇，點會咁勁㗎！」可是老闆蕭定一的私伙？Chilam表示是廣告客戶贊助，更開玩笑指拍完後，廣告商可能會送給杏兒，她馬上和應：「我都想呀！」
Chilam於01年跟袁詠儀（靚靚）結婚，講到當年求婚，他說：「當時我哋喺新加坡，懶係勁，喺酒店房入面我話有禮物，佢以為係乜啦，其實係耳環，佢就帶點失望，見佢咁失望，我話其實仲有嘅，𠵱家覺得笨，點解買多對耳環㗎。」靚靚當時可即答應？Chilam笑言：「都係兩情相悅，冇咁多繁文縟節。」
至於杏兒分享老公李乘德（Philip）的求婚過程，她自爆Philip有下跪：「佢唔係跪咗好耐，跪咗幾秒，好自然反應，叫佢起番身，𠵱家好後悔，應該叫佢跪耐啲，一世人跪一次。」Chilam即插嘴：「如果下次再跪，就應該『瀨』咗嘢，你都希望佢一世跪一次啦，所以我永遠男兒膝下有黃金，永遠唔會跪，唔『瀨』嘢就得。」
黃智雯婚期保密
對於「胡說八道會」的好姊妹黃智雯有傳今年結婚，但當事人日前則透露一直未訂婚期，杏兒可會贊助婚紗兼為她擇日子？杏兒說：「嘩，呢個要問番佢。」身旁的Chilam八卦追問：「搞錯呀，少少都唔講嚟聽吓！」杏兒續說：「總之越早越好啦，因為要度期。」Chilam再好奇問：「Book咗幾時﹖」杏兒護着好姊妹，表示保持神秘。
採訪：黃曉妍
攝影：陳慧安
|
鍾意就快D Share啦！
|
|
|
