2018年5月10日 星期四

【英文名叫Cody】樂嫂今午剖腹產子 余文樂:謝謝我太太 __,余文樂,

恭喜恭喜!余文樂做咗爸爸喇!晚上7時許,余文樂貼咗張BB手手嘅相,寫道:「大家好。我的名字叫CodyYue。爸爸今天看到你出來的時候真的有種難以形容的 ...


恭喜恭喜!余文樂做咗爸爸喇!

晚上7時許,余文樂貼咗張BB手手嘅相,寫道:「大家好。我的名字叫Cody Yue。爸爸今天看到你出來的時候真的有種難以形容的開心。感恩你和媽媽都平安沒事,謝謝我太太,媽媽真的很偉大!!」據知Cody體重約7磅幾。

今午《蘋果》收到獨家消息,今日樂嫂王棠云(Sarah)喺港島一間私家醫院剖腹產子。據知樂嫂由樂仔陪同下,約下午兩點抵達醫院,當時樂仔戴住墨鏡出現,十分低調。到3點鐘Sarah推入產房,由主診醫生操刀,順利誕下男嬰。本報曾致電余文樂,但暫未回覆。

36歲嘅余文樂,去年12月喺澳洲同Sarah結婚。雖然之前婚訊已甚囂塵上,但樂仔一直「耍太極」笑而不語,婚事極為保密,都係趁喺當地拍廣告之便行事,樂仔經理人亦被蒙在鼓裏,只有三五好友包括彭于晏知道,仲飛抵當地出席婚宴。

結婚時Sarah已經懷有身孕,估計懷孕3個月,故之前亦有傳預期產是下個月;但若以今日開刀生B推算番,結婚時應已懷孕4個多月。

肚大如籮的Sarah,婚後移居香港待產,平日仍keep住更新ig貼圖,也不時外出散步,日前她更足踏平底鞋,單拖到金鐘太古廣場閒逛。不過Sarah已四日未有呢更新ig,應是忙於準備迎接小生命來臨吧!





日前王棠云仲去咗行街買蛋糕。

陀B多月,仲係好瘦,估唔到咁快就生咗「小志明」。






鍾意就快D Share啦!
Related Posts Plugin for WordPress, Blogger...