網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年5月23日 星期三

米奇吳振東今出殯 黑仔回憶免費去Disco __,黑仔,姜皓文,

■吳振東嘅家人噚日為佢設靈,遺孀余丹喺靈堂打點。資深藝人米奇(吳振東)本月8日因心臟病離世,享年79歲。其家人噚日為佢喺寶福紀念館寶德堂設靈,今早10 ...


資深藝人米奇(吳振東)本月8日因心臟病離世,享年79歲。其家人噚日為佢喺寶福紀念館寶德堂設靈,今早10點出殯,遺體移至哥連臣角火葬場火化。噚日前往致祭的包括其好友、「香港動作特技演員公會」成員張永漢同「大師兄」徐忠信,吳振東嘅太太就着上喪服、戴口罩同黑超現身。

靈堂佈置簡約,堂中央嘅橫匾寫上「福壽全歸」,靈堂前就擺放太太余丹所送嘅「痛失良伴」花圈,其他致送花牌嘅藝人包括古天樂、曾志偉、任達華、錢嘉樂、肥媽、姜皓文(黑仔)、黑妹同煒烈等。喪禮以道教儀式進行,費用由「香港演藝人協會」同「香港動作特技演員公會」負責。



■吳振東月初因心臟病離世,享年79歲。

■姜皓文噚日喺靈堂講佢同吳振東相識20多年。

■徐忠信(左)同張永漢結伴送別吳振東。

後期認人困難

徐忠信話:「上星期喺新疆拍完包青天返嚟知道佢走咗,都相識30年。」張永漢就話一直有探米奇,又話米奇入院兩、三次,之前係氣喘入院:「佢本來狀態好,第二日就好似植物人咁,走時都好安詳,太太有陪住,但後期唔認得人,連我都唔認得。」

同米奇識咗20幾年嘅黑仔就話,啱啱入行米奇就帶佢去Disco,因為間間都識佢,所以次次唔使畀錢。問黑仔有冇喺佢晚年探佢,佢話:「有,佢未入老人院之前好精神,去三門仔飲茶,又去大埔燒嘢食,到4月金像獎前都有探佢,都仲認得我,但唔係咁清晰,知佢成日出入醫院。」

撰文:馮仁昭




鍾意就快D Share啦!