（互聯網圖片）
即上英超刨績王：http://win.on.cc/epl
應屆英超亞軍曼聯，正為來季挑戰曼城作好準備，極大機會簽入「歐聯決賽倒掛功臣」加里夫巴利。巴利勢將離開皇馬，可謂同曼聯情投意合；但據英媒透露，紅魔高層已為購入大堅爺開出條件，就係需「一個換一個」，領隊莫連奴已部署賣走法國前鋒安東尼馬迪爾，如果馬迪爾堅離隊，相信好多魔粉會唔捨得佢。
莫連奴帶領曼聯兩季，已耗費超過二億鎊買球員，雖然次季已取得亞軍，比執教首季第六名大有進步，但領導層認為總唔能夠無止境作重金投資。曼聯今年一月簽入阿歷斯山齊士，此子周薪高達50萬鎊，再加埋保羅普巴等人工亦勁甘，球隊想減少支出亦非常合理。
曼聯想斟加里夫巴利已經一段時間，大聖爺剛於歐聯決賽光芒四射梅開二度，更令寸王希望盡快簽入呢名威爾斯國腳。但加里夫巴利身價極高，而且人工亦肯定係天文數字，故曼聯高層已落柯打，要寸王賣走一名主力，先可斟介巴利。
馬迪爾於加盟曼聯後，雖然表現只係不過不失，但絕大部份魔粉都認為，馬迪爾天份高極有潛質，如果呢個時候將佢賣走，未來或者會後悔莫及。
東網體育同你追實體壇每個精彩時刻！
https://goo.gl/ewVpvE
來源 source: http://hk.on.cc
|
鍾意就快D Share啦！
|
|
|
