掃呢頁CODE去手機

2018年5月31日 星期四

【任李美慧伴娘】見番富商舊愛曾文能 陸詩韻自爆:我哋有時會gathering __,詩韻,陸詩韻,李詩韻,

《深宮計》宮女李美慧下月3日就嫁入豪門、成為曾文豪太太,連日忙於為婚禮作最後衝刺,據知佢姊妹團都係閨密,計有前港姐陸詩韻、喺大台劇《公公出宮》演過「牛 ...


《深宮計》宮女李美慧下月3日就嫁入豪門、成為曾文豪太太,連日忙於為婚禮作最後衝刺,據知佢姊妹團都係閨密,計有前港姐陸詩韻、喺大台劇《公公出宮》演過「牛女」嘅郭千瑜、龐景峰舊愛楊埕,仲有梁麗瑩四位靚女伴嫁。

據知呢,準曾太希望喺婚禮留下難忘開心回憶,所以姊妹團到時都會恪守「零底線」原則。四位姊妹中,陸詩韻同男家關係比較密切,因為佢早年曾經同準新郎曾文豪細佬曾文能拍拖。

《蘋果》今日打畀陸詩韻,問佢到時會唔會撞到曾文能覺得尷尬,佢大方話:「唔會,我哋有聯絡,有時都會食飯gathering,唔會尷尬,同Auntie都熟。」

問到陸詩韻會唔會接柯打,玩新郎時訂遊戲有「辣招」禁忌,佢話:「新娘畀我好大自由度,佢話至緊要玩得開心,畀我哋好大發揮自由空間。」

陸詩韻感情仍然一片空白,問她可會趁機喺兄弟團搵個筍盤?陸詩韻笑言:「冇諗過,隨緣,但我唔抗拒。」搶花球?佢話:「新娘要識做,姊妹中我最大,佢哋都要讓我,如果新娘遞畀我,我係唔介意接㗎。」你估個個都係阿嬌咩?

另一姊妹楊埕自爆已度尿片遊戲玩新郎,佢話:「會有塊尿片,放啲混醬上去,佢哋要喺15秒內食咗佢,否則新郎要派利是。」

精選娛聞,喺晒《娛果》

http://fb.com/appledailyent



李美慧下月3日就嫁入豪門 李美慧下月3日就嫁入豪門
李美慧同「牛女」郭千瑜(右)感情要好(IG圖片)

李美慧同「牛女」郭千瑜(右)感情要好(IG圖片)
講到花球屬邊個,陸詩韻笑言:「如果新娘遞畀我,我係唔介意接㗎。」(資料圖片)

講到花球屬邊個,陸詩韻笑言:「如果新娘遞畀我,我係唔介意接㗎。」(資料圖片)
龐景峰舊愛楊埕都係姊妹之一(資料圖片)

龐景峰舊愛楊埕都係姊妹之一(資料圖片)
仲有已經棄大台從商嘅梁麗瑩

仲有已經棄大台從商嘅梁麗瑩

鍾意就快D Share啦!