掃呢頁CODE去手機

2018年5月5日 星期六

【全場爆滿】老公帶囡囡支持 GiGi撐母語:今晚盡情唱廣東歌 __,GiGi,梁詠琪,

梁詠琪(GiGi)一連兩場嘅《好時辰世界巡迴演唱會》香港站,今晚正式喺紅館開騷。呢次係GiGi事隔7年,再踏紅館舞台,好多圈中朋友都往捧場,城嫂Mok ...


梁詠琪(GiGi)一連兩場嘅《好時辰世界巡迴演唱會》香港站,今晚正式喺紅館開騷。呢次係GiGi事隔7年,再踏紅館舞台,好多圈中朋友都往捧場,城嫂Moka(方媛)、周家怡、關心妍同老公、徐天佑、楊千嬅、周秀娜、黃偉文、薛凱琪、Eric Kwok等。

而GiGi嘅西班牙籍老公Sergio亦都帶埋囡囡Sofia去支持老婆,見到佢哋兩父女坐喺第一行,Sofia就戴住headphone,全場觀眾見到即歡呼,老公都都大方轉身同啲觀眾打招呼。

演唱會於8時37分開始,三面台,全場爆滿。舞台後面有個超大Led牆,Led牆二樓打開,粉紅色頭嘅GiGi着住閃石粉色長裙現身唱《短髮》,唱完之後Led牆前面升起高台,GiGi企出去後唱《G for Girl》,台底有風吹上嚟,吹起長裙大騷長腿同打底褲,十分性感。唱到中段高台降番落地,GiGi同dancer大跳勁舞,唱完佢就同大家打招呼:「Hello,大家好嗎?」然後再唱《某年仲夏》。

然後GiGi就話:「多謝,我返嚟啦,終於返到嚟我嘅屋企香港,終於返到嚟開演唱會尾站,我呢幾年好掛住你哋,你哋有冇掛住我呀?」全場Fans即大叫回應:「掛住」,GiGi再話:「掛住就要說出口喎,愛要說出口嘛...返黎香港就梗係要講廣東話,廣東話就梗係我哋嘅母語吖嘛,今晚會盡情唱多啲廣東歌㗎。」之後即時唱了廣東歌《一天一天》。

精選娛聞,喺晒《娛果》

http://fb.com/appledailyent

攝影:仇志德 梁詠琪今日一連兩晚喺紅館舉行演唱會。

GiGi事隔七年再喺紅館開騷,狀態大勇。

GiGi大騷長腿。

GiGi力撐廣東話係母語,話今晚會盡情唱廣東歌。



老公帶埋囡囡撐場。

兩父女坐正第一排。

城嫂Moka

楊千嬅

周秀娜

黃偉文、薛凱琪、徐天佑

郭偉亮

關心妍夫婦

鍾意就快D Share啦!