高贊尼（右）同門將史度亞艾歷加（圈白衫）演技勁曳。（互聯網圖片）
即上英超刨績王：http://win.on.cc/epl
呢個世界周圍都有假波，當中有啲做得好高明，有啲就盲都睇得到；如果呢場證實係假波的話，就肯定係後者喇！周一深夜瑞典超級聯賽赫根對艾夫斯堡，艾軍大敗0:5，其中兩個係烏龍波，兩個失波過程都離晒大譜，想唔畀人話係假波都好難！
2012年瑞典超冠軍艾夫斯堡，一向係聯賽實力份子，不時都位列上游。但球隊本季開咧狀態極曳，今仗大敗之餘，仲輸兩粒騎呢波。球隊丹麥門將史度亞艾歷加，於開賽初段屢救險球，但隊友高贊尼冇幾耐之後就幫主隊入波，18分鐘近門回畀門將，但史度亞艾歷加竟然無啦啦「唔喺位」，個波就慢慢溜入大門。睇番成個過程，無論係史度亞艾歷加，定係高贊尼似乎都有問題，成個烏龍就好早有預謀。
艾軍之後輸吓一粒、輸吓又一粒，去到球賽尾段已輸到0:3。但唔知係咪「未夠數」，史度亞艾歷加同另一隊友伊舒薩基又做嘢，當時門將短傳予隊友，雙腳竟然彈彈吓遠離大門，同一時間伊舒薩基就第一時唧高個波回後，最終門將截唔到個波再輸個烏龍。跟手艾軍輸多粒吞夠5蛋。
賽後門將史度亞艾歷加話：「我都唔知點講好。老實講我下場都唔知仲有冇得踢。」
東網體育FB同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
