掃呢頁CODE去手機

2018年5月13日 星期日

【肥美腳瓜】城嫂Moka首貼抱女相:女兒已經會叫媽媽了 __,城嫂,Moka,方媛,郭富城,

今日母親節,但其實日日都係母親節。初為人母嘅城嫂Moka(方媛),今年感受最深。咦,另一位天王——黎明嘅女友Wing,今年都係首度以媽媽身份慶祝母親節 ...


今日母親節,但其實日日都係母親節。

初為人母嘅城嫂Moka (方媛) ,今年感受最深。咦,另一位天王——黎明嘅女友Wing,今年都係首度以媽媽身份慶祝母親節喎!仲有啱啱生咗Cody Yue嘅樂嫂王棠芸(Sarah)。

Wing同樂嫂低調湊B同調理身子,城嫂Moka雖然跟足老公咁、私生活盡量低調,不過間中都會忍唔住同大家分享喜悅。今日佢喺ig貼咗張花花相,寫住母親節快樂;另一方面,Moka再於微博貼圖——有抱囡囡Chant嘅相。

雖然張相得個背脊,不過都見到囡囡肥美嘅腳瓜同小手,唔係米芝蓮嗰種,但都令人好有衝動咬一啖。城嫂寫道:「祝我兩位媽媽母親節快樂,愛你,也祝所有媽媽母親節快樂。很開心我的第一個母親節,我女兒已經會叫媽媽了!」

眨下眼原來Chant已經八個月大,唔知BB係識嗌爸爸先,定媽媽呢?





方媛微博圖片

方媛微博圖片

方媛微博截圖

Moka新髮型…改變的是留海。()媛微博截圖)

方媛微博圖片

「祝我兩位媽媽母親節快樂,愛你。」包括方媛媽媽 (資料圖片)

當然還有奶奶—城城最錫嘅媽咪。(資料圖片)

鍾意就快D Share啦!