掃呢頁CODE去手機

2018年5月21日 星期一

Oscar送兩卡鑽戒 攬江若琳放閃 __,Oscar,江若琳,蕭潤邦,

Elanne與Oscar身穿情侶裝爛牛仔褲,黐到實行街。
Oscar送兩卡鑽戒攬江若琳放閃昨日5月20日是攞正牌放閃的日子,除周汶錡與老公、莊思明與楊明等盡情晒恩愛外,準新郎蕭潤邦亦為未婚妻江若琳炮製婚前驚喜 ...


Oscar送兩卡鑽戒 攬江若琳放閃

昨日5月20日是攞正牌放閃的日子,除周汶錡與老公、莊思明與楊明等盡情晒恩愛外,準新郎蕭潤邦亦為未婚妻江若琳炮製婚前驚喜,任揀20萬鑽飾。而戴上兩卡鑽戒的江若琳以行動代替講話,當眾與男友「攬埋一舊」之餘,更錫錫面珠,放閃度勁過全場鑽飾。

「生煎包王」蕭潤邦(Oscar)與未婚妻江若琳(Elanne)將於12月23日拉埋天窗,並正積極籌備婚禮,趁巧在520(寓意「我愛你」)的放閃日子,被撞破煙韌揀婚戒。Oscar與身穿露肩上衣的Elanne着情侶裝爛牛仔褲,現身銅鑼灣街頭,男方更搭住Elanne膊頭,如連體嬰般步入一間鑽飾店內。

拉拉扯扯玩推手

兩人甫入店就孖住四圍睇鑽飾,期間見Elanne不時冧笑,似乎被Oscar的甜言蜜語氹得開心不而。期間兩人停在鑽戒櫃前,雙眼被鑽石吸引的Elanne,突然被Oscar一擁入懷嚇了一跳,即時還拖玩推手,但Oscar實在禁不住戀火,一手撳住Elanne的嘴要咀嘴,一時又肉緊地鍊住Elanne條頸,在旁若無人下玩到扭作一團,連Sales也睇到眼金金。最後兩人終於選中心水戒指及試戴,Elanne看見手上的鑽戒閃閃發光即笑到嘴角含春,之後還為手上的鑽戒影相。而Oscar在店內簽字後,兩人又拿起一張紙合照就埋單拎袋走人。

兩人揀選婚戒之餘,Oscar還加碼送多隻逾兩卡的鑽戒作為「520」禮物。
  • 兩人揀選婚戒之餘,Oscar還加碼送多隻逾兩卡的鑽戒作為「520」禮物。
Oscar將Elanne一擁入懷,Sweet爆之餘仲夠晒Man。

  • Oscar將Elanne一擁入懷,Sweet爆之餘仲夠晒Man。

當Elanne發現被追訪時即尷尬大笑,但仍大方透露此行是買婚戒,Oscar坦言:「我揀咗個Design,呢度就幫我造咗一隻呢個Design嘅戒指。(你自己設計?)我大概知佢想要啲咩,其實都唔係設計,係網上睇下,大概感覺係點。」他透露鑽戒價值6位數,有2卡,Elanne即笑言:「但我唔介意每年加1卡。」但據知其實兩人除買了一對5位數鑽石婚戒外,Oscar還多買了6位數的2卡鑽戒作「520禮物」,共花費逾20萬。

未婚夫咁識冧「妻」,Elanne當然要錫錫回禮!

  • 未婚夫咁識冧「妻」,Elanne當然要錫錫回禮!
兩人仔細聽店員講解婚戒的設計及概念。

  • 兩人仔細聽店員講解婚戒的設計及概念。

兄弟姊妹團未定

問Oscar為何在店內簽字?他解釋因他所買的新郎戒指一生人只可在店內選購一次,Elanne亦笑言:「如果佢要買第二隻就要過主啦。」Oscar即出手撳住Elanne的嘴,當眾在街頭耍花槍。問到婚禮籌備情況,兩人表示搵兄弟姊妹團較複雜,而婚紗款式就已定,但Oscar要結婚當日才會見到,Oscar笑言:「有一Part佢嗰件婚紗淨係着畀賓客睇,唔係着畀我睇,因為驚我鬧佢。」Elanne即向他大派定心丸:「唔會嘅,咁我都尊重佢。」

文:音樂組






鍾意就快D Share啦!