掃呢頁CODE去手機

2018年5月13日 星期日

集齊四條Q 張新悅被囡囡話惡 __,張新悅,

■張新悅尊重女兒選擇,但會與她們分析問題。攝影:林德雄現年41歲的楊張新悅,07年嫁前教育局政治助理、現職區議員的楊哲安,更先後為丈夫誕下三名女兒Lu ...


現年41歲的楊張新悅,07年嫁前教育局政治助理、現職區議員的楊哲安,更先後為丈夫誕下三名女兒Lucy、Lily及Leah。曾揚言封肚的她,今年1月忽然宣佈陀女。新悅的預產期在7月,日前攜三愛女到公園玩兼受訪,說到照顧女兒同時亦令她成長,更一度感觸流下開心淚。她邊拭淚說:「做咗媽咪之後,有好多冇諗到自己做到嘅嘢都做到,有時覺得自己做媽咪好辛苦,有時覺得好偉大,有時覺自己好渣,但我都覺得個天係挑戰我。」



■張新悅受訪期間忽然感觸落淚,囡囡見狀擺出一副難以置信的表情。

姊妹情深

講到第四胎同樣陀女,新悅表明和老公沒有失望:「大女同二女好好笑,佢話我本來係生仔,因為佢哋同天主祈求,所以變咗生女,仲話如果生仔嘅話,細佬唔可以入佢哋間房,見到佢哋姊妹情好深,真係好開心。」至於,可擔心囡囡步入青春期會反叛難教?新悅望望正在她身後不停打側手翻的大女,笑言不太擔心。她認為:「通常反叛係有啲嘢佢想做我唔畀,但我通常反問係咪真係要做,如你要做我就畀你去,我唯一堅持係瞓覺時間。」

笑問是否虎媽?新悅否認:「有次Lily測驗得62分,唔敢畀我簽測驗卷,就教佢無論幾多分都要畀媽咪睇,唔好隱瞞。在新悅心目中62分並非很差,她說:「分數係其次,反而一定要教佢哋點去處理,當然到佢長大,拍拖生仔佢自己決定,𠵱家係少少嘅訓練。」

採訪:小米

髮型:Ling Chow of QG Private i salon

服裝提供:JOYCE




鍾意就快D Share啦!