2018年5月15日 星期二

【愛貓俠侶】Sammi照顧流浪貓安排善終 安仔:還佢一個尊嚴! __,Sammi,許志安,安仔,許冠傑,Sam,郭晉安,鄭秀文,

「一隻貓去到十八歲我覺得都應該放下,係有啲唔捨得,同埋要幫佢處理一啲身後事,我相信都算幾尊嚴,還佢一個尊嚴」安仔講緊嘅呢隻貓,就係佢⋯⋯Coco!Co ...




「一隻貓去到十八歲我覺得都應該放下,係有啲唔捨得,同埋要幫佢處理一啲身後事,我相信都算幾尊嚴,還佢一個尊嚴」安仔講緊嘅呢隻貓,就係佢⋯⋯Coco !

Coco 係流浪貓,喺淺水灣一座大廈樓下住咗十八年,佢嘅主人陳伯離開咗之後剩底佢,大廈嘅住客就肩負起照顧佢嘅責任。Sammi 同安仔就係其中之一。平時Sammi 同安仔會輪流帶Coco 去睇醫生,又喺大廈嘅停車場幫Coco 起咗個安樂窩。

「一定有啦,便心啫,佢嘅主人我都識,佢主人搬咗出去,就留低咗佢喺度,其實我覺得呢件唔係一件大事,不過我感覺係幾人間有情。」

兩個星期前,coco 因為年紀老邁離世,Sammi 傷心之餘,仲喺ig 發佈「千字文」懷緬Coco ⋯⋯「Coco ,謝謝你用生命豐富了這一帶,謝謝你用豁達演譯了生死,現在此分享一張你的照片,三七面,好靚仔啊!Coco , 天國見!」

Coco 離開之後,Sammi 同安仔安排寵物善終服務,將Coco 火化。

「我哋都係便心咁樣去幫佢做一啲嘢,如果唔係真係好慘,但係我覺得嗰隻貓本身嘅價值意義其實幾代表到嗰個地方,一樣有生命,嗰啲地方只不過係死物,但佢好有代表性,簡單啲講,佢令到我哋鄰居,心情上團結啲。」



鍾意就快D Share啦!
Related Posts Plugin for WordPress, Blogger...