掃呢頁CODE去手機

2018年5月29日 星期二

曾主演豪門闊太 陳嘉儀離開TVB享受退休生活 __,陳嘉儀,TVB,周嘉儀,嘉儀,

十年人事幾番新,喺無綫拍過劇嘅演員,即使觀眾唔記得一啲藝人個名,不過有啲望落又會記起喺邊套劇見過佢哋,又會諗起大家真係「好耐冇見」。資深女演員陳嘉儀參 ...


十年人事幾番新,喺無綫拍過劇嘅演員,即使觀眾唔記得一啲藝人個名,不過有啲望落又會記起喺邊套劇見過佢哋,又會諗起大家真係「好耐冇見」。

資深女演員陳嘉儀參加TVB第一期訓練班出身,同期同學有郭峰、蘇杏璇及甘國亮等,曾演《小婦人》、《家變》、《千王之王》及《孖生姊妹》等,1978年曾同周潤發及朱江拍《強人》,佢於90年代曾一度息影,2000年代先回巢無綫拍劇,2006同2007年係佢拍得最多劇嘅時期,包括《鐵血保鏢》、《潮爆大狀》、《法證先鋒》、《鳳凰四重奏》、《高朋滿座》、《舞動全城》、《通天幹探》、《鐵咀銀牙》及《奸人堅》等,非常多產,現時TVB偶爾夜晚重播嘅經典劇,觀眾都可以見到嘉儀姐嘅演出。

由於嘉儀姐外貌甚有氣質,所以喺劇集主要演主角媽媽,或者豪門闊太等角色,之後嘉儀姐為咗一心一意照顧患病嘅老公,而放棄幕前演出。

眨吓眼,嘉儀姐離開TVB已五年,享受退休生活,閒時同老公牽手行街,恩愛如昔,生活不知幾寫意,雖然年屆七十,皮膚仍然keep得好好。




鍾意就快D Share啦!