2018年6月9日 星期六

【七年之癢】與相識逾17年兄弟再見面 王浩信感慨﹕所有經歷像昨天發生 __,王浩信,

王浩信同相識17年兄弟再見面,令佢勾起好多回憶。(ig圖片)
(新增內容)34歲嘅王浩信去年首奪視帝,事業起飛,但婚姻卻亮起紅燈。有傳王浩信與陳自瑤(YoYo)難敵七年之癢,YoYo對王浩信失去信任,而王浩信曾公 ...


(新增內容)

34歲嘅王浩信去年首奪視帝,事業起飛,但婚姻卻亮起紅燈。

有傳王浩信與陳自瑤(YoYo)難敵七年之癢,YoYo對王浩信失去信任,而王浩信曾公開承諾買樓畀老婆,但最後竟然喺YoYo不知情下買咗價值3,000萬豪宅送畀媽咪,徹底當她透明,令她心碎決定分居。(相關新聞﹕https://bit.ly/2xUKpvO)有指YoYo近年有返教會,經常與教友傾訴心事,而6歲女兒王靖喬今年9月升讀小學,將由爺爺嫲嫲負責照顧。王浩信回覆傳媒時僅以「唔回應,謝謝」,未有否認。

不過,王浩信嘅心情似乎未有太大影響,噚日喺ig上載一張新、舊對比嘅相片,見佢同一名相識多年嘅男友人「玩閹」,男友人扮到好痛楚,十分搞笑。王浩信以英文留言﹕「真正的朋友,真正的愛。左邊的相片是現在的我和朋友的模樣,而右邊那張相片是17年前,我們在西雅圖拍攝。時光飛逝,但我們依然友誼永固,望着他,覺得所有經歷也像昨天發生,只充滿着愛和歡樂,超越國家和言語的界限,恭喜你走進人生新的一頁,為你感到高興」。

另外,王浩信今日喺ig上載同囡囡一齊畫畫嘅相,愛犬亦有相伴,有網民即問﹕「你老婆YoYo呢?點解成日唔見post她...」。



精選娛聞,喺晒《娛果》

http://fb.com/appledailyent

王浩信同相識17年兄弟再見面,令佢勾起好多回憶。(ig圖片) 好兄弟將展開人生另一頁,而王浩信就被傳離婚。(ig圖片) 好兄弟將展開人生另一頁,而王浩信就被傳離婚。(ig圖片)
王浩信與陳自瑤均未有為婚變傳聞作正面回應。(ig圖片)

王浩信與陳自瑤均未有為婚變傳聞作正面回應。(ig圖片)
王浩信今日上載同囡囡一齊畫畫嘅相,有埋狗狗,但就唔係一家三口。(ig圖片)

王浩信今日上載同囡囡一齊畫畫嘅相,有埋狗狗,但就唔係一家三口。(ig圖片)

鍾意就快D Share啦!
Related Posts Plugin for WordPress, Blogger...