齊齊撐英格蘭贏波！
歌手李克勤多年嚟都係英格蘭嘅擁躉，最令人難以忘記係喺1998年世界盃十六強，英格蘭被阿根廷淘汰，直播時克勤疑眼泛淚光，搞到全程冇心機講波！
而近日佢就同家人齊齊坐郵輪，除咗放鬆休息，都不忘睇波。呢日佢喺社交網上載一段同爸爸一邊食嘢，一邊欣賞郵輪大營幕上嘅英格蘭對突尼西亞嘅賽事，仲話：「父子齊撐英格蘭」見到佢兩個都睇得非常專心，英格蘭贏波，兩仔爺更開心！除咗欣賞球賽，克勤同太太盧淑儀仲互相擔任對方嘅攝影師，為對方留倩影，見到身外嘅海景，真係好舒服呀！
另一邊，同樣係球迷嘅樂壇校長譚詠麟，亦喺網上晒出一張去咗好友晨曦足球隊班主周文曦屋企，齊齊睇波，仲大晒合照添！
來源 source: http://hk.on.cc
|
鍾意就快D Share啦！
|
|
|
