掃呢頁CODE去手機

2018年6月27日 星期三

世界盃2018:【不斷更新】瑞典開紀錄 德國有壓力! __,瑞典,

(法新社圖片)即上彩報世盃專頁:http://win.on.cc/football/cup2018/ 【23:20】德國Vs南韓61分鐘,卻奧斯殺入禁 ...


(法新社圖片)


即上彩報世盃專頁:http://win.on.cc/football/cup2018/ 

【23:20】德國 Vs 南韓

61分鐘,卻奧斯殺入禁區左腳一抽被閂,角球都冇

【23:14】墨西哥 Vs 瑞典

瑞典中場施巴斯坦拿臣傷出,由古斯達夫史雲遜入替。

【23:08】墨西哥 0:1 瑞典

瑞典右路傳中,左閘奧古斯天臣近門射入,領先1:0。

【23:10】德國 Vs 南韓

51分鐘,添姆雲拿接應左路傳中,右腳窩利抽射柱邊斜出,爭啲呀!

【22:48】德國 Vs 南韓

哥列斯卡接應右路傳中禁區內跳頂,畀趙賢祐飛身撲出

【22:48】【半場完】墨西哥 0:0 瑞典

墨西哥同瑞典上半場互有攻守,表現非常積極,但雙方埋門把握力不足,上半場打和0:0。

【22:48】【半場完】德國 0:0 南韓

德國上仗反勝瑞典表現有進步,但今仗領隊勒夫再度重用奧斯爾同基迪拉打正選,又令德國前面冇晒火。相反南韓一定要贏,球隊進攻更有威脅,孫興民曾近距離窩利抽高,最入肉係鄭又榮射罰球搞到紐亞甩手,南韓球員衝前補中又畀紐亞撲出。德國上半場攻勢毫無威脅,勒夫下半場要及早撳制喇!

【22:47】墨西哥 Vs 瑞典

瑞典前鋒馬古斯貝治個人突破入禁區勁射,但射中網側。

【22:46】德國 Vs 南韓

奧斯爾禁區外左腳射門,又被敵衞用腳閂走

【22:45】墨西哥 Vs 瑞典

墨西哥中場拿恩禁區右路起腳,被瑞典門將羅賓奧臣接實。

【22:39】德國 Vs 南韓

奧斯爾於中路傳予右邊添姆雲拿,後者一箭被閂,角球。角球斬中造成混亂,曉姆斯想射門被趙賢祐接實個波

【22:30】墨西哥 Vs瑞典

瑞典開出角球,門前一片混戰,馬古斯貝治近門起腳,被奧祖亞托出底線。

【22:29】墨西哥 Vs瑞典

墨西哥前鋒查維亞靴南迪斯喺禁區內疑似犯手球,球證睇完VAR,證實冇犯規,只判角球。

【22:25】德國 Vs 南韓

25分鐘,南韓右路斬入禁區造成混亂,最後孫興民窩利勁射唔中龍,但已嚇死德國球迷

【22:18】德國 Vs 南韓

南韓鄭又榮射遠程罰球,紐亞竟然甩手,被南韓球員衝前想補中又補唔入,德國大難不死呀!

【22:16】墨西哥 Vs 瑞典

墨西哥前鋒卡路士韋拿禁區頂勁射,僅斜出。

【22:14】德國 Vs 南韓

14分鐘,南韓後防出錯,哥利斯卡落底傳中想畀添姆雲拿,可惜中遊被閂

【22:09】德國 Vs 南韓

9分鐘,鄭又榮飛鏟祖拿斯赫達領黃

【22:06】墨西哥 Vs 瑞典

科斯貝治禁區左邊主射罰球,被墨西哥門將奧祖亞擋出。

【22:02】德國 Vs 南韓

開波喇,南韓今場一定要贏,一開波就狂壓德國,但暫時未有攻門

今晚(27日)世界盃分組賽,兩支傳統勁旅德國、巴西將先後出擊最後1輪分組賽。F組兩場比賽10點打頭陣,上屆冠軍德國冇晒霸氣,首場0:1輸畀墨西哥,上場都要踢到補時,先至憑卻奧斯射入罰球,以2:1險勝瑞典。

雖然德國今場對手係2戰2敗嘅「太極虎」南韓,但要過關並唔易,事關南韓以往有唔少球員去德甲搵食,現時陣中亦有效力奧格斯堡嘅具滋哲,知己知彼,百戰百戰,南韓對德國非常熟悉,可能有計對付「日耳曼兵團」都未定。

事實上,南韓雖然兩場輸晒,但其實只要今場擊敗德國,加上瑞典波輸畀墨西哥,南韓都仲有機會出線,冇嘢好輸情況下,應會豁出去一搏,隨時有更好發揮。

德國領隊勒夫今場用番奧斯爾、基迪拉出任正選,兩人喺第1場對墨西哥,表現非常差,被指係輸波罪人,上場對瑞典被貶為後備。點知今場生死戰又用番呢兩位仁兄,勒夫見過鬼都唔怕黑。

中堅謝路美保定停賽,由曉姆斯頂替,而最估唔到係收起湯馬士梅拿,改用哥列斯卡。

同組同時間開波嘅,墨西哥對瑞典,墨西哥兩場贏晒有6分,今場和波就出線兼獲首名資格。瑞典得3分,唔贏就好大機會出局,焗住主攻,預料會係1場攻防戰。

南韓正選陣容(4231)

23趙賢祐

2李鎔 20張賢秀 19金英權 5尹榮善

13具滋哲 14洪喆

18文善敏 17李在城 15鄭又榮

7孫興民

德國正選陣容4231)

1紐亞

18甘美治 5曉姆斯 15歷卡斯蘇尼 3祖拿斯赫達

6基迪拉 8卻奧斯

14哥列斯卡 10奧斯爾 11馬高列奧斯

9迪姆華拿

墨西哥正選陣容4231)

13奧祖亞

21艾臣奧馬艾華利斯 3卡路士沙些度 15赫達摩蘭奴 23捷西斯加拿度

16赫達靴里拉 18古亞達度

7拿恩 11卡路士韋拿 22夏榮羅辛奴

14查維亞靴南迪斯

瑞典正選陣容(442)

1羅賓奧臣

2路斯迪 3域陀連迪路夫 4格蘭基斯 6奧古斯天臣

17域陀卡里臣 7施巴斯坦拿臣 8艾卡度 10科斯貝治

20托禾倫 9馬古斯貝治

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!