掃呢頁CODE去手機

2018年6月26日 星期二

世界盃2018:【不斷更新】C朗射失12碼 葡萄牙仲係1比1 __,C朗,基斯坦奴朗拿度,

(法新社)即上彩報世盃專頁:http://win.on.cc/football/cup2018/ 【03:16】西摩戰56分鐘,摩洛哥中場岩拉伯特禁區 ...


(法新社)


即上彩報世盃專頁:http://win.on.cc/football/cup2018/ 

【03:16】

西摩戰56分鐘,摩洛哥中場岩拉伯特禁區邊冷箭抽中柱彈出,仲係1比1

【03:08】

伊葡戰,50分鐘,C朗扭波殺入禁區疑似被踢跌,球證示意比賽繼續,但半分鐘後,球證再睇VAR直指12碼,但C朗主射被比蘭雲特救出,慘呀,仲係1比0。

【02:50】

伊葡戰上半場打完,葡萄牙以1比0領先。葡軍上半場控球比率高達7成,合共作出9次射門,其中開賽9分鐘便趁伊朗防線誤會,由祖奧馬里奧射空門高出,稍為可惜。之後仲係葡萄牙佔得較多優勢,包括C朗拿度都曾作出射門嘗試,直到完半場前,哥利斯馬禁區外右腳腳背扯死角世界波入網,葡萄牙領先1比0完半場。

【02:48】

西摩戰上半場打完,雙方暫以1比1握手言和。上半場以西班牙形勢較為佔優,控球比率達7成,然而已經出局嘅摩洛哥,踢落表現令人喜出望外,球員都頗具鬥志。摩洛哥更喺開賽14分鐘趁住西班牙中場恩尼斯達犯錯交失波,由前鋒保達比由中場線帶入禁區單刀射入,取得領先。不過「鬥牛國」4分鐘後用一次美妙組織,由恩尼斯達左路底線傳中,由艾斯高近門接應抽入,追和1比1。之後摩洛哥再有一次領先機會,無奈保達比又一次單刀未能把握,雙方半場打和1比1。

【02:45】

臨完半場前,哥利斯馬禁區邊右路以右腳腳背扯入死角,葡萄牙領先1比0。

【02:39】

伊葡戰39分鐘,C朗拿度離門30碼施冷箭,比蘭雲特輕鬆接實。

【02L19】

西摩戰19分鐘,西班牙左路攻勢,恩尼斯達殺落底線傳中,艾斯高近門撞入。

【02:14】

西摩戰14分鐘,西班牙球員在中場線「搓」波意外斷纜,摩洛哥前鋒保達比偷得比球,直搗黃龍,殺入禁區射穿迪基亞大細入網,摩洛哥領先1比0。

【02:09】

伊葡戰9分鐘,伊朗中場艾沙杜拿希回防解圍失誤,葡萄牙中場祖奧馬里奧禁區外截得皮球,即時笠射空門高出。不過攻勢之後,艾沙杜拿希與門將比蘭雲特出現口角互罵,氣氛尷尬。

【02:03】

伊葡戰3分鐘,C朗拿度禁區左路狂抽僅被伊朗門將比蘭雲特救出。

伊朗對葡萄牙,伊朗陣容變動不大,只有一個變動,由查漢巴克殊取代安沙里法特;至於葡萄牙就改踢433陣式,並作出三個變動,摩天奴、貝拿度施華、干卡路古亞迪斯被收起,改用安達施華、哥利斯馬及艾迪恩施華加強攻力。

伊朗正選陣容(451)

1比蘭雲特

23列沙伊安 19馬捷賀斯尼 8保拿利干治 3夏沙菲

18查漢巴克殊 9艾巴希米 17泰尼米 6艾沙杜拿希 11華希特阿美利

20阿斯蒙

葡萄牙正選陣容(433)

1魯爾柏迪斯奧

21薛迪索拉斯 3比比 6荷西方迪 5拉菲爾古里路

14威廉卡維奴 10祖奧馬里奧 23艾迪恩施華

9安達施華 7基斯坦奴朗拿度 20哥利斯馬

西班牙對摩洛哥,西班牙今仗收起盧卡斯華斯基斯,改用堤亞高艾簡達拿,恩尼斯達同艾斯高換拉,艾斯高靠邊搵食;摩洛哥方面就有中堅路曼沙斯取代貝拿迪亞,陣式亦擺出較防守性嘅451。

西班牙正選陣容(4231)

1迪基亞

18佐迪艾巴 15沙治奧拉莫斯 3碧基 2丹尼爾卡華積

10堤亞高艾簡達拿 5布斯基斯

22艾斯高 6恩尼斯達 21大衞施華

19迪亞高哥斯達

摩洛哥正選陣容(451)

12蒙尼亞莫漢特

17拿比達亞 6路曼沙斯 4達哥斯達 2阿舒拉夫

16岩拉伯特 8艾亞馬迪 10貝漢達 14保蘇法 7薛耶治

13保達比

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!