掃呢頁CODE去手機

2018年6月2日 星期六

【聲稱復辦亞姐】兩年營運資金用晒?亞視突裁30人 傳下周再炒 __,亞視,亞洲小姐,亞姐,

亞視對外事務部總監曾醒明證實,噚日有30幾人受影響而離職。
【新增吳雨回應】永恆嘅亞視今年1月29日借OTT平台復活,但開台幾個月,已經爆出高層大地震。原本任職亞視CEO嘅吳雨,同任職營運總監嘅區偉林齊齊轉做顧 ...


【新增吳雨回應】

永恆嘅亞視今年1月29日借OTT平台復活,但開台幾個月,已經爆出高層大地震。原本任職亞視CEO嘅吳雨,同任職營運總監嘅區偉林齊齊轉做顧問,盛傳老闆鄧俊杰要閂水喉所致。

今日,有聲稱係「憤怒的一群」嘅讀者向《蘋果》爆料,指亞視昨日再向員工落刀、解僱各部門合共近百名員工。

讀者指當日吳雨向員工許下的承諾,但全部未有兌現,又指吳雨用各種方法,結果很快已花光原定夠用兩年的錢,令鄧俊杰不滿,最後吳雨及區偉林被解除CEO及營運總監之職。讀者指,下周亞視會繼續裁員,人數多達200人,只保留二、三十播舊片。傳聞一出,人心惶惶。

據《蘋果》了解,亞視昨日為節流,裁減30人,包括一位導演、多位攝影師、剪片、PA等工程部同製作部員工,部份《A1娛頭》幕後亦被解僱。解僱理由是節目翻炒幾日前娛樂新聞報道,引起管理層極度不滿。至於裁員行動對節目之影響,首先,陳志雲的《百萬富翁》昨日已播完;《今晚見》播到下個月中,緊接亞視會重新編排節目,還包括復辦亞姐。

對於讀者之指控,吳雨回覆本報稱:「冇啲咁嘅事,個讀者話我使大咗,叫佢問番管理層,唔好道聽途說,我請人時出糧出足咁多個月,點樣使大咗?管理層仲喺度,叫佢直接問番佢哋,如果班管理層真係出嚟話我使大咗,咁咪係囉!個讀者咁講好唔負責任,呢個係管理層嘅決定,可能員工有所誤會,亞視有咁嘅動作,我唔了解,但冇理由賴我吖嘛。」

亞視對外事務部總監曾醒明接受本報訪問時澄清謂:「亞視員工依家目前只有250至270人,如果話上星期炒咗100人,下禮拜又再炒200人,咪成個亞視冇人做嘢變負數?」

曾醒明續稱:「我了解咗,噚日6月1日大慨有30幾人受影響,30幾個人當中有幾個係自動辭職,主要原因係公司要重整架構。亞視由開台到依家幾個月,製作部想節目上有一個重新檢討,節目策略上將有新節目取代現有節目,因為節目方針有所調較嘅話,我哋會因應人手增加或者減少,所以一部份同事目前或者唔需要用住嘅時候,係中止咗合作,但唔排除當我哋需要作更多節目時,再搵番佢哋返嚟合作,因為節目製作策略問題,所以一部係唔需要返工,所以中止咗合作。」

傳聞下星期再有下一波裁員行動,曾醒明稱:「我冇聽過,因為嚟緊新節目都開始積極籌備,唔排除會吸納番一啲同事返嚟。」


鍾意就快D Share啦!