掃呢頁CODE去手機

2018年6月14日 星期四

同前夫發離婚聲明 46歲彭佳慧戀30歲新歡 __,彭佳慧,

今年46歲嘅台灣金曲歌后彭佳慧,月初被台灣傳媒影到佢同一位猛男喺街頭十指緊扣同接吻。之後彭佳慧就係fb貼出佢同前夫王丕仁嘅手寫聯合聲明,指二人早於今年 ...


今年46歲嘅台灣金曲歌后彭佳慧,月初被台灣傳媒影到佢同一位猛男喺街頭十指緊扣同接吻。之後彭佳慧就係fb貼出佢同前夫王丕仁嘅手寫聯合聲明,指二人早於今年3月離婚。昨日台灣《蘋果》就將彭佳慧嘅小鮮肉新歡起底,小鮮肉名叫Ken Wu,今年只有30歲,比彭佳慧年輕16年。

於彭佳慧出軌報道刊出後,雖然彭佳慧同前夫發聲明,力證二人早已離婚,但就有人爆料指彭佳慧事實上早於去年底就同小鮮肉出雙入對,當時佢仲未同王丕仁離婚。

昨日台灣《蘋果》將小鮮肉起底,指小鮮肉英文名叫Ken Wu,有指佢同彭佳慧係呢幾年認識咗一啲圈外好友,呢個細佢16年嘅新歡就係圈外朋友介紹下認識,報道入面就話佢哋兩個越走越埋,而根據友人提供嘅相片,就見到Ken多次喺聚會出現,但就唔見到彭佳慧嘅前夫。亦有人話,彭佳慧咁快要釐清同前夫關係,全因彭佳慧將於下月喺上海舉行巡迴演唱會,佢擔心會影響票房同形象,所以就即時發出聲明。

比彭佳慧年輕16年嘅Ken,其實係台灣餐飲業瓦城集團擔任主管,中文名字是吳英杰。據知Ken目前未婚,於員工眼中係一個精明幹練嘅主管。而彭佳慧嘅經理人公司對事件未有回應。




鍾意就快D Share啦!