2018年6月14日 星期四

【網上曾掀罵戰】吳建豪一個月兩寄離婚協議 石貞善結婚5年心死:決定結束痛苦 __,吳建豪,石貞善,

有指吳建豪兩寄協議書提議離婚予石貞善。(資料圖片)
吳建豪和新加坡棕櫚油百億千金石貞善結婚5年,婚後1年就傳出婚姻亮紅燈。台灣《蘋果日報》今日報道,有知情者指兩人再陷婚姻危機,包括吳建豪連寄2封離婚協議 ...


吳建豪和新加坡棕櫚油百億千金石貞善結婚5年,婚後1年就傳出婚姻亮紅燈。台灣《蘋果日報》今日報道,有知情者指兩人再陷婚姻危機,包括吳建豪連寄2封離婚協議書,但石貞善努力修補關係不果,最終決定離婚。知情者指吳建豪特殊節日不回家、與其他女生曖昧等等。

報道指,吳建豪同石貞善喺13年前就拍拖,但吳建豪多次偷食,兩人一度分手兩年,最後吳建豪回心轉意,稱已信基督教,石貞善先答應復合同結婚,但婚後吳建豪又同其他女性曖昧,先會出現一幕夫妻喺Ig互串事件。

據知,新加坡法律規定結婚3年內,冇特殊原因證明就唔可以離婚,就算過咗3年,仍需提出合理且雙方認可的理由才能離婚。有指,吳建豪一個多月前正式寄出離婚協議書,男方提出理由係:彼此已無共同生活逾3年,而石貞善覺得吳建豪冇講出真相,於是退回離婚協議書。

到一個星期前,吳建豪再度寄出離婚協議書,理由改成:老婆不支持他事業,興趣不相同等。知情者透露,石貞善曾自己掏腰包買機票陪吳建豪四圍飛工作,絕對支持丈夫事業,到兩人關係變差,唔知道對方行蹤,先變成冇辦法支持丈夫事業。知情者又指,石貞善每逢聖誕、新年等大節日,都會飛到台北陪吳建豪,反而係吳建豪唔見影,甚至情人節吳建豪要求夾口供,話兩人過節好恩愛。報道又指,石貞善因為等唔到老公,除咗帶狗散步,就只可以搵朋友,呢班朋友入面,的確係有柯震東等人,但知情者話石貞善拒絕晒所有男仔,從來冇越軌。

報道指,石貞善已經決定離婚,但唔會接受吳建豪嘅離婚協議書,會反寄一封新版離婚協議書俾吳建豪,理由係:吳建豪婚後仍愛玩,跟不少女生有曖昧聯絡,每次吵架,只想離婚,從未想努力解決。

石貞善回覆台灣《蘋果》時表示不願受訪,代表石貞善嘅律師就話:「我的當事者(石貞善)一直相信婚姻,但在吳建豪先生連續寄了2封離婚協議書後,她已無法選擇。她曾努力想經營婚姻關係,卻一直忍受在不愉快的生活中。她決定結束活在受傷與痛苦的生活而決定離婚。」而吳建豪目前喺上海拍戲,未有回應。

精選娛聞,喺晒《娛果》

http://fb.com/appledailyent


鍾意就快D Share啦!
Related Posts Plugin for WordPress, Blogger...