掃呢頁CODE去手機

2018年6月22日 星期五

【6月天后大戰】謝安琪 容祖兒 楊千嬅齊推派台歌 __,祖兒,楊千嬅,謝安琪,千嬅,容祖兒,

足本版精彩內容請按網址:http://bit.ly/2tp99H7今個6月,香港樂壇有一場天后大戰,事關謝安琪、容祖兒、楊千嬅三位,先後推出派台歌,而 ...




足本版精彩內容請按網址:http://bit.ly/2tp99H7

今個6月,香港樂壇有一場天后大戰,事關謝安琪、容祖兒、楊千嬅三位,先後推出派台歌,而且歌曲內容、風格迥然不同,唔知大家又偏好邊一首多啲呢?

先講謝安琪。《人妻的偽術》歌詞方面有夕爺加持,唔少人都話係品質保證。誠然,道出咗好多人妻嘅情況:順得人,少少蝕底唔計較,吞落肚,然後繼續為你好。另外,亦有人認為歌詞貫徹Kay音樂作品隱含社會題材嘅作風,而且選擇喺梁天琦被判刑嘅同日派歌,係咪有咩用意呢?

至於歌曲被指旋律平淡無咩起伏,但咁樣嘅曲風,大家唔覺得同首歌嘅主題好夾咩?人妻嘅生活唔係咩轟轟烈烈、高潮起伏,簡簡單單做好「偽善」,「壓抑了個性來奉獻」,嘗試做到面面俱圓,希望「令大家都滿意」。

再嚟容祖兒。《心之科學》由DearJane編曲,黃偉文填詞,搭配出標準嘅「容氏情歌」,無論曲定詞都易記、朗朗上口,但就有人批新鮮感欠奉,指:「又係失戀K歌。」仲話:「有電視劇主題曲feel。」不過,現時香港樂壇中又有邊位女歌手唱得出Joey嘅錐心泣血呢?聽多幾次就會上癮架喇!

最後楊千嬅。講新鮮講突出一定非千嬅首《搖滾之母》莫屬。當然,太新鮮嘅風格會有好多人聽唔慣,甚至覺得唔好聽。不過,舊曲新詞翻用黃貫中作、劉德華唱嘅《馬龍白蘭度》,成個感覺rock得出阿媽嗰團火,配合林海峰直接了當嘅填詞,帶出香港教育問題、諷刺怪獸家長、反映小朋友嘅不愉快童年,感受得到千嬅被囝囝教育問題搞到「變癲婆,發洩唱ROCK歌」,其實內容相當接地氣。至於話聽唔慣,然後評唔好聽,蘿蔔青菜各有所愛啦,失戀K歌有時,另類風格有時,咁先多選擇嘛,有得揀總好過無得揀。

每日大量精彩內容,立即按此連結下載APP:http://bit.ly/next28app

鍾意就快D Share啦!