44歲嘅馬國明喺舊年被爆同黃心穎拍拖，之後佢哋合作拍劇集《宮心計2深宮計》，唔少網民都認為呢套劇係佢哋訂情之作，話晒戲內戲外都係一對情侶，喺戲假但係情真嘅情況下，唔少觀眾都有另一番感覺！
雖然前嗰幾集都講咗馬明同心穎都知道對方嘅心意，但係中間又發生咗好事，直到因為定欣為咗保住皇后嘅地位，不惜出賣前度，誣蔑馬明同娜姐有路，點知心穎突然殺出嚟，話自己因為求愛不遂而報復。結果喺今晚嗰集，雖然大家都明知係一場戲，馬浚偉話死罪可免活罪難饒嘅情況下，判咗心穎杖刑！
故事嘅發展梗係將呢段戀情更加白熱化，馬明喺心穎身邊陪足二日二夜，仲令到佢同劉心悠、周秀娜嘅感情更加好！今晚嗰集仲發展到娜姐親口同馬浚偉講話有咗龍裔，定欣見到呢一幕，個樣葡萄到不得了！
心穎噚日接受傳媒訪問，講到呢場喊戲，佢話：「其實呢場戲係先拍咗馬明，之後再講我慢慢醒，如果有啲位係喊，劇本通常會講，但係呢場戲係冇講，到拍咗我嗰部份，見到馬明喊得咁犀利，不期然會帶動咗我，感染到我喊得仲犀利！」
心穎仲話：「不過好好彩，呢場戲係喺香港拍攝嘅最尾部份，變咗容易啲去回想拍咗乜嘢場景，令到大家更加易入戲！」聽講之後心穎同馬明會有另一場更加感人嘅戲，心穎就話：「監製話睇一次喊一次，但係我唔劇透、不過就咁睇劇本、嗰啲對白我都會喊、所以真係寫得幾好，條感情線夠牽動人。」
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|