掃呢頁CODE去手機

2018年6月13日 星期三

為健康去健身 陳奕迅諗過做手術去眼袋 __,陳奕迅,

■原來自細熱愛足球運動嘅Eason,腳法都唔錯。
■原來自細熱愛足球運動嘅Eason,腳法都唔錯。陳奕迅(Eason)噚日以代言人身份現身旺角,為世界盃活動擔任揭幕嘉賓。自細熱愛足球運動嘅Eason, ...


陳奕迅(Eason)噚日以代言人身份現身旺角,為世界盃活動擔任揭幕嘉賓。自細熱愛足球運動嘅Eason,因為細個生得唔夠高大,負責守龍門,之後轉做進攻球員,最鍾意頂頭槌,不過近年體力不繼,有時追波都會拗柴。



■Eason話會去俄羅斯睇世界盃揭幕賽。

■Eason話會去俄羅斯睇世界盃揭幕賽。

練肌肉力量

聽日就係今屆世界盃開鑼,Eason希望愛隊德國捧杯,佢會飛去俄羅斯睇揭幕賽:「我第一次現場睇世界盃同第一次去俄羅斯,以前最近都係做巡迴去到黑龍江,我有個疑問唔知嗰度食乜嘢。」

Eason最近身形狀態回勇,佢話近年發現企得耐會膝頭攰,了解後發現係肌肉力量唔夠,所以一個月前開始健身:「每次做個半鐘,每星期做一至兩次,其實我好掛住自己個腮,不過自己都覺得好多疾病都係管道塞引起,𠵱家做完健身流好多汗好舒服。」Eason自爆早排曾經諗過做去眼袋手術,但諗過度過之後,覺得手術始終有風險,加上崇尚自然,所以用運動排汗:「我有諗過唔知會唔會自己脂肪強勁,如果做咗手術兩日後,眼袋出返嚟咪好唔抵。」

撰文:馮仁昭




鍾意就快D Share啦!