掃呢頁CODE去手機

2018年6月7日 星期四

【王浩信開「空頭支票」?】陳自瑤決定分居 傳囡囡交畀王媽照顧 __,王浩信,陳自瑤,

人夫王浩信先後同蔡思貝、江嘉敏傳緋聞,陳自瑤曾公開表示信任老公,以往陳自瑤間唔中就喺網上貼同老公嘅合照,不過最近陳自瑤只貼單人相,同一啲自勉句子,王浩 ...


人夫王浩信先後同蔡思貝、江嘉敏傳緋聞,陳自瑤曾公開表示信任老公,以往陳自瑤間唔中就喺網上貼同老公嘅合照,不過最近陳自瑤只貼單人相,同一啲自勉句子,王浩信為咗修補感情,早前出席活動,講明要同陳自瑤每年去一次旅行,又話要買獨立屋俾老婆,點知轉頭購入清水灣傲瀧高層單位送俾媽咪(新聞連結:https://bit.ly/2J5Sxe7),事前老婆YoYo更毫不知情,張張「空頭支票」,有傳陳自瑤主動提出離婚(新聞連結:https://bit.ly/2JpxQxh)。

王浩信近年信基督教,開始學識放下,明白要活在當下,接受好同壞嘅情況,強調婚姻關係冇改變,認為婚姻係會有困境,要學習同汲取教訓,認為珍惜身邊擁有嘅嘢已經好快樂,但係今日有周刊指王浩信同陳自瑤處於分居階段,加上陳自瑤喺行內人口中得知王浩信嘅嘢,陳自瑤曾俾咗多次機會,圈中姊妹勸陳自瑤忍吓,陳自瑤去完杜拜錄節目返港後,決定同王浩信攤牌,叫老公搬走,而王浩信買樓俾阿媽係想第時有個新竇。

報道又指,陳自瑤好少埋堆,喺圈中朋友唔多,最近成日返教會搵教友傾偈,之後會努力工作,而囡囡靖喬升小學後,就交由王浩信爸媽照顧。王浩信今日接受傳媒就話:「唔回應啦,多謝大家關心!」

精選娛聞,喺晒《娛果》

http://fb.com/appledailyent


鍾意就快D Share啦!